کۊڵبەرېوەتەر بە سەختی زامڎار کریا و یەرۍ کۊڵبەرېچ عەزیەت کریۍ
سنوورو شارو بانەینە کۊڵبەرېوەتەر بە تەقەی ڕاسەوخۆو هېزەکاو دۆڵەتی بە سەختی زامڎارکریا، جە هۆرامانیچنە یەرۍ کۊڵبەرۍ عەزیەت کریۍ.
بەپاو زانیارییەکا شەوەو یەرەشەممەی ١١و حوزەیرانی جە سنوورو سەرتەزێنی بانەینە هێزەکاو دەوڵەتو ئێرانی بە بێ ئاگاڎارکەردەیۆ وەڵێوەختەی تەقەشا جە ژمارېوە کۆڵبەرا کەردەن.
جە ئاکاموو ئا تەقەکەردەینە کۆڵبەرێوە خەڵکوو شارو سەقزی بە نامۍ ئارمان حسێنی تەمەن ٢٦ ساڵی زامڎاربیەن.
بەمەڵامەتوو سەختی زەخمەکەیشۆ ئا کۆڵبەرە بریان پەی شارو تەورێزی و جە ئیساتېنە ئینا چېروو چەمڎاری چڕوو دکتۊرینە.
جە لېوەتەرۆ بە پاو هەواڵێوە کۆڵبەر نیوزی هێزەکاو دەوڵەتو ئێرانی جە سنوورو تەتەو هەورامانینە دووۍ کۆڵبەرېشا بە تنی عەزیەت کەردۍ و زامڎارېشا کەردېنۍ. نامۍ یۆ چا کۆڵبەرا شادمان پایای تەمەن ٢٥ ساڵ و خەڵکوو مەنتیقەو کۆماسی مەریوانین.
حەرپاسە جە سنوورو ژاڵانەو هۆرامانیچنە کۆڵبەرێوە کە بەمەڵامەتوو کەمینوو هێزەکا دەوڵەتیوە جە سنوورو تەتەینە قاچش لووان لارە، جە وەختېنە دلۍ ترۊمبېلێوەنە بۍ جە نوقتۍ وشکنای ژاڵانەینە چنی سایەقوو ترۊمبېلەکەی جە تەرەفوو هێزەکاو دەوڵەتیوە بە سەختی عەزیەت کریێبېنۍ.
