دژوو دەسملەرەگێرتەی شارەوانیی جۆلەمێرگی بە دروشموو 'شارەوانییەکێ موڵکوو گەلینێ، ڕا بە دەسملەرەگێرتەی نمەدەیمێ' کۆبییەیوەکێ بە وەرفراوانیی خەڵکیوە مکریانێ، پەی ئا مەبەسەیە خەڵکیوی فرە وەرفراوان بەرەو مەیدانوو جەمۆبییەیوەکەی کەوتێ ڕا.

بە سەرمەشقایەتیی کۆنگرەو جڤاکی دیموکراتیک (دەتەکە)ی، کۆنگرەو دیموکراتیکوو گەلا (هەدەکە)، پارتوو هەرێمە دیموکراتیکەکا (دەبەپە)، تەڤگەروو ژەنە ئازادا (تەژەئە)، پارتوو دیموکراسی و یەکسانیی گەلا (دەم پارتی) و چندین ڕێکوزیێ گلێرگەی مەدەنی دژوو دەسملەرەگێررتەی شارەوانیی جۆلەمێرگی بە دروشموو 'شارەوانییەکا موڵکوو گەلینێ، ڕا بە دەسملەرەگێرتەی نمەدەیمێ' کۆبییەیوەکێ بە وەرفراوانیی خەڵکی مکریانێ.

پەی بەشداربییەی چالاکییەکەینە جەماوەروو گەلی شارە جیاوازەکاو تورکیاینە و سەرنیشتوو کوردستانیوە یاوێنێ بە مەیدانوو ئۆتۆگاری گەڕەکەو تاکسەرەو جۆلەمێرگینە، حەرچندە جادەکانە قۆرتێ پەی سەیاراو  چالاکا وەشێ کریێ، بەڵام خەڵک واتەیوە دروشموو "بژیوۆ سەرۆک ئاپۆ"ی، "بژیوۆ مدرامانوو زیندانییا" و "نا پەی قەیومی، نا پەی گۆشەگیری، ئازادیی پەی گەلوو کوردی" ئیرادەوە بەردەوامبییەی و سەرەڕاو  گردوو ڕاگێرییەکا وێشا یاونان بە مەیدانوو کۆبییەیوەکەی.

قەرارا کۆبییەیوەکەنە حەریۆ جە هامسەرۆکاو دەم پارتی، هامسەرۆکە گردیناو دەبەپەی، هامسەرۆکاو جۆلەمێرگوو دەم پارتی، چندین کەسایەتیێ، نوێنەراو پارتە دیموکراتیکوازەکا و ڕێکوزیایەکاو گلێرگەی مەدەنی بەشداری بکەرا، کۆبییەیوەکەنە ئەرەیاونایێ بواناوە.