کەجەدەکە-ئە ئەرەیاۋناش، پەی دمایی ئارڎەی پا گۊشەگیرییەی کە زېیاتەر جە ٢٥ ساڵان سەرو ڕابەرو گەلوو کورڎی عەبدوڵا ئۆجالانی بەردەواما، جە ٢٥و حوزێرانینە ڕاپیمای مکەرا و ئەرەیاۋناش: "پەنەوازا چا هەڵمەتێنە کە هەنگام بە هەنگام گۆرۍ بۊوە ئەنجام گېرمۍ."
کۆنگرەو گلېرگەو دیموکراتیکی کورڎەسانی-ئەوروپا (کەجەدەکە-ئە) ئەرەیاۋناش، پەی دمایی ئارڎەی پا نادادپەروەری، ئەشکەنجە و گۆشەگیرییەی کە زیاتەر جە ٢٥ ساڵان دژوو ڕابەرو گەلوو کوردی عەبدوڵا ئۊجەلانی بەردەواما، جە ٢٥و حوزێرانینە جە ئەڵمانیا، سویسرا، هۆڵەندا، بەریتانیا و بەلژیکانە جە مېڎانەکانە ڕاپیمای ئەنجام مڎا.
دەقوو بەیاننامەکەو کەجەدەکە-ئەی پی جۊرەنە:
ئیشکگیریی ئازاڎیی ١٢ ساڵەو ۋێش پەڕ کەردۆ
"جە ٢٥و حوزێرانینە، ئیشکگیریی ئازاڎیی ستراسبۆرگی ١٢ ساڵۍ تەمام پەڕ مکەرۊوە. پی مەڵامەتۆ فرێوە جە ناوەندەکا ئەوروپاینە کوردسانییەکۍ و دۆساشا جە دژوو گۆشەگیری و بێ یاسایی دژوو ڕابەرو گەلوو کوردی دەس بە ڕاپیمای گرڎ گیری مکەرا.
١٢ ساڵېن ئیشکگیریی دادپەروەری بەبێ مردای ملۊڕاوە و درێژخایەنتەرین چالاکییا. ئی ئیشکگیرییە جە گرڎ لێوە گوزارشت جە هەڵوێسی یەکلایکەرەوەو گەلوو کوردی مکەرۆ. چالاکا ئیشکگیریی ئازاڎیی جە گرڎوو ئەوروپایۆ ئامۍ و کوۍ بیێوە، کاریگەریشا سەرو ئا ناوەندا بۍ کە پەی ئازاڎیی و دیموکراسی ئەرەکۊشای مکەرا و ئی چالاکییەشا ۋەرفراوانتەر کەرد.
ئارۆ ئیشکگیریی ئازاڎیی ستراسبۆرگی بیەن بە ئامیانوو هەڵمەتەو ئازاڎییی جیهانی. ڕابەر ئاپۆ کە پېسە بناغە ئەرەنیاو مڎرامانوو گەورەی تاریخی جە ئیمرالینە مشناسیۆ، گرڎ ڕووۍ چی مېڎانەنە بە هەزاران جارۍ پێشوازیش ۋنە مکریۆ.
سزاو دیسپلینی تەنیا سەرپۆشێوە درۆینەن
سزاو دیسپلینی پېسە بەهانێوە پەی گۆشەگیری دژوو ڕابەر ئاپۆی بەکار مۍ. پا جۊرە کۊشش مکەرا بە گۆشەگیری ڕا جە گلېرۆبیەکا بگێرا، بەڵام جە بنەڕەتەنە گەرەکشانە بە 'مافوو هیوا'ی ڕا جە واوەی دادگایی کەردەیۆ بگېرا. هەوڵ مڎا ڕا جە ئازاڎیی جەستەیی ڕابەر ئاپۆی بگێرا. ئینەیچ یاگۍ قبوڵکەردەی نییا. 'سزاو دیسپلین'ی سەرپۆشێوە درۆینەن.
بەڵام جە ئیمرالینە مڎرامانېوە گۊرە ملۊڕاوە. ئی مڎرامانە گۊرە هەم دژوو هێزە پیلانگێڵنە میان دەوڵەتییەکان، هەم دژوو سیستەموو مرۆڤ کوشتەی و قڕکەری دەوڵەتو تورکین. ئی مڎرامانە بەبڕیارەو ڕابەر ئاپۆی بەردەوامیش هەن.
مشۊم بێ ئەخلاقی و بێ یاساییەکاو دەوڵەتوو تورکی ئاشکرۍ بکەرمۍ.
پۊکەی پەنەوازا مڎرامانی گۊرەو ڕابەر ئاپۆی بە گرڎوو جیهانیرە وەڵا بکەرمېوە و دەوڵەتو تورکی کە دڎان بە یاسا و ئەخلاقیرە نمەنیۆ ئاشکرا و ڕیسواش بکەرمۍ. پەنەوازا جە بەرزتەرین ئاستەنە گرڎوو دەرفەتەکا بەکار بەرمۍ و بە ئامرازی تازەی یاساییوە ئەرەکۊشای بیاونمۍ ئەنجام.
سیستەموو ئەشکەنجەو ئیمرالی ڕەوا نییا و قبوڵش نمەکەرمۍ. ئێمە مشۊم سیستەموو ئیمرالی کە بە بێ یاسایی و نادادپەروەریێوە ڕەهاوە ملۊڕاوە ئاشکرا بکەرمۍ و رووەی حەقەتینەو دەوڵەتو تورکی بە گرڎ کەسی بشناسمۍ. پەنەوازا هەڵمەتەکۍ کە جە تشرینی یووەم و ٢٠٢٣ێوە دەسش پنەکەردەن دۆڵەمەنڎە بکەرمۍ و هەنگام بە هەنگام جە گرڎوو مېڎانەکانە پەرەش پنە بڎەیمۍ و ئەنجام گېرمۍ.
مشۊم هەڵمەتەو ئازاڎیی گەورەتەرە بکەرمۍ
سەرەتا مشۊم سی پی تی، ئەنجومەنوو دژ بە ئەشکەنجەو ئەوروپای و ئا ئەرەمەرزیۍ کە پەیوەندییشا بە گۆشەگیرییوە هەن، ناچار بکەرمۍ کە هەڵوێسشا بۆ. پەی ئینەیچ مشۊم جە هەر چوار لاو جیهانیوە بە گلێرگەی ئازاڎیواز و دیموکراسیوازاوە بەشداری جە هەڵمەتەو ئازاڎیی جیهانی 'ئازاڎیی پەی عەبدوڵا ئۆجالانی، چارەسەری سیاسی پەی کێشەو کوردی' بکەرا و هەڵمەتەکۍ گەورەتەرە بکەرا.
چالاکییەکاو ''ئازاڎیی پەی عەبدوڵا ئۆجالانی، چارەسەری سیاسی پەی کێشەو کوردی'' جە فرەو ناوەندەکاو ئەوروپایۆ جە ٢٥و حوزەیرانی ملۊڕاوە. با گەل، گەنجا، ژەنا، گەورە و گولانە و دۆسەکاما بە شێوێوە سەفەر بەری بەشداری چالاکییەکا بکەرا."
کەجەدەکە-ئە سەبارەت بە بەرنامەو چالاکییەکا ئی زانیاریێشە وەڵۍ کەردۍ:
بەلجیکا
برۆکسل
بەروار: ٢٥-٠٦-٢٠٢٤
کات: سەعات ١٣:٠٠
شۊنما: شۊنەو لۆکزامبۆرگی برۆکسل (ۋەردەموو پەرلەمانوو ئەوروپا)ی
سویسرا
ژنێڤ
بەروار: ٢٥-٠٦-٢٠٢٤| کات: سەعات ١٢:٠٠
شۊنما: ڕاپیمای جە کۆمیسیۆنوو مافوو مرۆڤیوە پەی ئۆفیسوو نەتەوە یۊگێرتەکا ملۊڕاوە
بەریتانیا
لەندەن
بەروار: ٢٥-٠٦-٢٠٢٤
کات: سەعات ١٢:٠٠
شۊنما: 25 New Inn Yardلندن EC۲A ۳EA (چنەویەرڎەی میان دەوڵەتی بەریتانیا)ی
ئەڵمانیا
هانۆڤەر
بەروار: ٢٥-٠٦-٢٠٢٤
کات: سەعات ١٧.٣٠
نامونیشان: Hauptbahnhof
دوسلدۆرف
بەروار: ٢٥-٠٦-٢٠٢٤
کات: سەعات ١٧:٣٠
نامونیشان: DGB Haus
فرانکفۆرت
بەروار: ٢٥-٠٦-٢٠٢٤
کات: سەعات ١٧:٠٠
نامونیشان: ویلی براندت پلاتز
هامبۆرگ
بەروار: ٢٥-٠٦-٢٠٢٤
کات: سەعات ١٧:٠٠
نامونیشان:Mönckebergstraße1.
هایلبرۆن
بەروار: ٢٥-٠٦-٢٠٢٤
کات: سەعات ١٧:٣٠
نامونیشان: کیلیان پلاتز
هۆڵەندا
ئەمستردام
بەروار: ٢٥-٠٦-٢٠٢٤
کات: سەعات ١٨.٠٠
شۊنما: وێسگەو ناوەندوو ئەمستردامی
فەرەنسا
نانت
بەروار: ٢٥-٠٦-٢٠٢٤
کات: سەعات ١٨:٣٠
نامونیشان: Place Du Commerce
