وەزیروو ئاسایشوو گردینەی دۆمینیک لیبلانک واتش، "حکومەتوو ئێمە قەرارش دا سوپاو پاسدارا جە چوارچێوەو یاساو سزاداینە بوزۆ دلۍ لیستوو رێکوزیا تیرۆریستیەکاوە".

ئۆتاوا ئەرەیاۋنانش ئێران 'بێحورمەتی بە مافەکا مرۆڤی مکەرۆ' و 'گەرەکشا سەقامگیری سیستمی میېان نەتەوەیی' تێکبڎۆ.

سوپاو پاسدارا شۆڕشوو ئیسلامی ئێرانی جە ساڵەو ٢٠١٩ ی بەدماوە جە لیستوو ئەمریکاینە بیەن. پی قەراریە کەنەدا متاوۆ سامانوو رێکوزیاکەی بلۆک بکەرۆ و ئەنداماش دادگایی بکەرۆ. حەرپاسە گرڎ کار و بارۍ ئابوری و بازرگانی سەر بە سوپاو پاسدارا قەڎەغەکریان.

حەماس، قاعیدە، حزبوڵا، تاڵیبان، داعش، بۆکۆحەرام و رێکوزیای نەتەوەپەرسی "پراود بۆیز"یچ ئینۍ دلۍ لیستوو ئا ٨٠ رێکوزیایانە کە کەنەدا پېسە لیستی سیاوو تیرۆری ئەرەیاۋنێنێش. هێز یاخود فەیلەقوو قودسی کە مەچەکوو بەروو سوپاو پاسداران، وەڵتەر نامێش لووابۍ دلۍ لیستەکەو کەنەدایۆ.