کەنەدانە بە چالاکیېوە گۊشەگیری شەرمەزارکریا
جە ئۆتاواو پایتەختوو کەنەداینە پەی لابەردەی گوشەگیری و ئازاڎکەرڎەی زیڼانیا سیاسی کورڎی، ۋەردەمو بیناو پەرلەمانوو ئا وڵاتینە چالاکیېوە گەورە ئەنجامدریا.
کورڎەسانیا و دۆسەکېشا جە شارەکا تۊرۆنتۆ، ئۆتاوا و مۆنتریالینە پېوەرە کوۍ بیېوە ۋەردەمو پەرلەمانوو کەنەداینە بە ئەنجامدای چالاکیېوە داواشا کەرڎە گۊشەگیری سەرو ڕابەروو گەلوو کورڎی عەبدوڵا ئۆجالانی لابریۊ و زیڼانیا سیاسی ۋەرۍ بڎریا.
جە چالاکیەکەنە سیستموو گۆشەگیری ئیمراڵی شەرمەزارکریا و داواو وەردای زیڼانیا دۆزوو کۆبانێ کریا.
حەرپاسە جە چالاکیەکەنە دەسسەرەرەگېرتەی شارەوانی جۆلەمێرگی شەرمەزارکریا.
ۋېنیشاندەرا جە چالاکیەکەنە ئاماژەشا پانەی دا کە سیاسەتە ئەرەگیرییەکا دەوڵەتو تورکی و دەسەڵاتداری فاشیستی ئەردۆغانی شەرمەزار مکەرا.
جە چالاکیەکەنە بە بەردەوامی دروشمەکاو "ئازاڎیی پەی کورڎەسانی، ئازاڎیی پەی ئۆجالانی"، "بژیۋۆ مدرامانوو گەلوو کوردی" وچیېنێوە. حەرپاسە چالاکا بانگەوازشا جە ڕێکوزیا میان نەتەوەییەکا کەرد جە دژوو کارە نایاساییەکاو دەوڵەتو تورکی هەنگامەی پەنەوازە بگېرانە ۋەر.
