دیوانوو هامسەرۆکایەتیی گۆنگرەو گەلی بە بۆنەو ئامای جەژنەو قوربانیوە ئەرەیاوناێوەش ئەرەیاونا و واتش: "جەژنەو قوربانی وەنەو ڕابەر ئاپۆی، گەلوو کوردستانی و چوارپارچەو کوردستانی و جیهانی ئیسلامی مەبارەک مکەرمێ. هومێد مکەرمێ ئی جەژنێ بۆ بایسوو پەشتیوانیی کۆمەڵایەتی. گەلەکەما گردوو مەیدانەکانە بە مدرامان دژوو قەیومی حەرامیوە خێرامای وەنەو جەژنێ مکەرۆ. گەلەکەما، کە خاوەنداریی جە ئیرادەو وێش مکەرۆ، سڵام جە مدرامانی بەشکۆیشا مکەرمێ."

جە بەردەوامیی ئەرەیاونایەکەینە ئامان: "فاشیزموو ئاکەپە-مەهەپەی وەڵێ جەژنێنە گرد یاگێوەنە هجووم مکەرانێ سەروو ئیرادەی ورچنیاو گەلی، هێزەکاو دیموکراسی و گەریلای. ماوەو ٣٩ مانگان گۆشەگیریی ڕەهاو سەروو ڕابەر ئاپۆی بەردەواما. سیاسەتوو قەیومی حەرامی، کەدژوو مدرامانوو خەڵکوو وانی ئاما دماوە، ئیساتێنە کەسێتیی شارەوانوو جۆلەمێرگینە سەروو چندین شارەوانییاوە مسەپنیۆ.  بە بڕییەیوە سزێ سەروو دۆزوو کۆبانێرە گەرەکشانە سەرمەشقاو سیاسەتوو ئۆپۆزسیۆنی سەرکوت بکەرا.

بەڵام ئی جەنگە فرەلایەنەو حکومەتوو ئاکەپە-مەهەپەی فاشیستی وەراوەروو کۆشیای ڕابەر ئاپۆیوە، گەریلا و گەلینە بێئەنجام مەنەنۆ. پی سیاسەتە فاشیستەیوە گرد مەیدانێونە فرە زیاتەر تەنگاو بییەن و ئینا زەحمەتیینە. پەی بەردەوامیدای بە دەسەڵاتدارییش، ئەردۆغان ئینا دلێ لێگەڕینێوی فراوانینە. بەڵام هیچ چێوێ فاشیستی ئاکەپە-مەهەپەی جە ورشانایوە ڕزگار نمەکەرۆ.

مدرامان دژوو نیایرەی قەیومی بە تەنیا پەی شارەوانیی جۆلەمێرگی نییا، گەر ئی سیاسەتە جۆلەمێرگنە سەربگنۆ، ئانە جە چواچوەو جەنگی فرەلایەنینە قەیومی حەرام سەروو چندین شارەوانییا منیۆرە. پەوکای نەک تەنیا جۆلەمێرگەنە پێویسا گرد مەیدانێوەنە بە مدرامانی فرەلایەنە هەرێمەکەنە ڕا بە سیاسەتوو قەیومی نەدریۆ.دلێنەبەردەی سیاسەتوو قەیومی، ورشانایوە فاشیزمی زووتەر مکەرۆ.

 دژوو جەنگی فرلایەنەو فاشیزموو ئاکەپە-مەهەپەی پێویسا گەلەکەما و ‌‌هێزەکاو دیموکراسیی کۆشیای فرەلایەنەو وێش گەورەتەر بکەرۆ. گەلەکەما و هێزەکاو دیموکراسی گردوو مەیدانەکانە بە دروشموو 'قەیوم حەراما، مدرامان مافا' کۆشیای بکەرا. خاوەنداریکەدرەی ئیرادەن و  هەرمانەی مەبارەکەو گەلێوەنە.

کامپینوو ئازادیی، کە پەی ئازادیی ڕابەر ئاپۆی و چارەسەروو پەرسەکاو کوردی، لاو گەلەکەیما و دۆسەکاشاوە مکریۆ، دلێ وەڵاتی و مەیدانی میاننەتەوەییچەنە وەڵێکەوتەی گەورەش خولقنان. فاشیزموو ئاکەپە-مەهەپەی گەرەکشا بە قۆناغوو قەیومی، ڕۆژەڤوو کامپینوو ئازادیی بفاڕۆ و سەروو ئی بنەمێ کاریگەرییش سەروو هەڵمەتەکێوە نیارە. بەڵام بە پێچەوانەو ئینەیوە تووڕەیی فرەو گەلەکەیما و سیاسەتوو قەیومی حەرامی مبۆ بە هۆکارێوە کە فاشیزم زووتەر وربشنیۆوە.

قەیوم حەراما، هومێدما هەن بۆ بە ئامرازێوی ورشانایوە سیاسەتی حەرامی، جەژنەو قوربانی وەنەو گەلوو هەر چوار پارچەو کوردستانیما و جیهانی ئیسلامی مەبارەک مکەرمێ. جە کۆشیای بەشکۆینە دژوو فاشیزموو ئاکەپە-مەهەپەی هومێدوو سەرکەوتەی پەی گەلەکەیما موازمێ."