کتێبەکە جە ١٧٦ پەڕا پێکئامان. چنی ۋەنایۆ ئا کتێبیە بڕۍ وەختۍ ئینسان ۋېش دلۍ رۆمانێوە و بڕۍ وەختیچ ۋېش دلۍ مەرەو وەختینە موینۊوە. بڕۍ وەختۍ ملانە سەنگەرەکاو جەنگەوانا جە حەڵەب ۋېڕاگری مکەرا، بڕۍ وەختیچ چنی دما ساتەکا ئا گەریلایا مژیۋا کە بەمەڵامەتوو چەکی کیمیاوییوە گەشمەرڎۍ بیۍ.

کتێبەکە بە هامکاری نەوای ژەنۍ ئاماڎەکریان. جە کتێبەکەنە دیلان مالاتیا کە ۋېچش گەریلېنە، جە ١٨٩ شیعرېنە هەستوو ۋېش سەرو مژارەکا جەنگی، وڵاتپارێزنی، ژەنبیەی، هامڕایی، حەسرەت، یوتوپیا، ڕۆ، وەشەسیایی، وەفاڎاری و فرەو مژارا تەری وستەن ڕووە.

جە سەرەتاو کتێبەکەینە ئاماژە بە دروشمەو سەردەموو ' ژەنی، ژیۋای، ئازاڎیی' کریان.  جە 'سەردەموو ژەنانە' ئێمە واچەکا دڵوو دیلان مالاتیۍ موانمۍ کە ۋېش ساڵانێوە دوور و درێژا ئینا دلۍ کۊشیاینە.

جە سەردەمێ چامنەنە کە فۆرمولەو 'ژەنی، ژیۋای، ئازاڎیی' یاوا بە تەماموو ژەنا جەهانی، ئێمە ئا ژەنە جەنگکەر و جەنگاوەرا موینمۍ کە ماچا 'سەردەموو ژەنېن' و کۊشش مکەرا جیهانی بواڕا. پېسە ئاڎەیچ جە شیعرەکا ۋېشەنە ماچۆ:

ئیساتۍ سەردەموو ئێمەن!

ئیساتۍ سەردەموو ژەنان!

کتێبەکە ١٥و حوزەیرانی جە فێستیڤاڵوو ژەنا زیلانېنە گنۆ ۋەروو دیدەو ۋەنەرا و سەرو ماڵپەڕو پەرتوکخانەیچۆ (pirtukxane.net) دەس گنۆ.