ڕێکوستەی ژنە کوردا بە ئەرەیاوناێو ئەوەخوایشا کەردۆ بەشداریێوی قەوەت مکەران جە هەڵمەتەکاو کەژەکە و تاژێنە و واتشا: "بە ڕێکوستەی گردوو ژەناو جیهانی، ئازادی و سەرکەوتەی مسۆگەر مکەرمێ".
تەڤگەروو ژەنە کورداو هەرێموو ئەسەنگی، ڕێکوزیای مەدەنیی ئێزیدخانی و ڕێکوزیای ژەناو "ڤیان"ێ دەربارەو هەڵمەتەکێ کەژەکەی بە نامونیشانوو "ئازادیی پەی ڕابەر ئاپۆی و ستاتۆ پەی کوردستانی" و هەڵمەتەو تاژێ جە بیناو یانەو کوردیینە مۆسکۆنە ئەرەیاوناێوەشا واناوە.
ژەنی ئەرەمیاوناش کە بەشداریێوی قەوەت مکەران جە هەڵمەتەکێ کەژەکەینە بە ناموونیشانوو "ئازادیی پەی ڕابەر ئاپۆی و ستاتۆ پەی کوردستانی"، هەرپاسە هەڵمەتەکێ تاژێ بە ناموونیشانوو "دژووو قڕکەردەی ژەنا، بە بە دەنگوو وێپارێزنای" و پەی ئشناسای فەرمانەو ٣و ئابوو ٢٠١٤.
گرد لاێوەنە وێما ڕێک موزمێ
ژەنی ئەرەمیاوناش بە هامکاریی نوێنەراو نەتەوەکای تەری بەردەوامێ بانێ نامەکیاناینە و جەمۆبییەینە و ئەرەیاونای پەی ماڕای گۆشەگیری و مسۆگەرکەردەی ئازادی جەستەیی ڕابەروو گەلوو کوردی عەبدوڵا ئۆجالانی، هەرپاسە دەنگ بەرز مکەرمێوە دژوو قڕکەردەی ژەنا و پەی دلێنەبەردەی فاشیزمی مکۆشیەیمێ، مواچانێ: "تا بتاومێ بە ئازادی بژیومێ و وێما بپارێزنمێ. گرد لاێوەنە وێما ڕێک موزمێ".
ژەنی تەشەنەسانای جەنگی و تندوتیژی جیهانەنە و ئەرەگیرکەردەی کوردستانی شەرمەزار مکەرا، بانگەواز وەنەو ژەناو جیهانی مکەرا وەراوەروو کارە قێزەونەکاو فاشیزمی بێدەنگ نەبا و کۆشیای گەورە بکەرا، ماچا: "ئێمە ئیرادەو وێما جە پارادایموو ڕابەر ئاپۆی و یەژاستاری و یەژەشەیوە ورمگێرمێ. بانگەوازوو وێپارێزنای مکەرمێ و مواچمێ، پێویسا جە گرد وەختێو زیاتەر ڕۆحوو کۆشیای قەوەتتەر بکەرمێ".
ئاخروو ئەرەیاونایەکەینە ماچا: "بە ڕۆحوو سەردەموو "ژەنی، ژیوای، ئازادی"یوە، کە بییەن دەنگوو ژەناو جیهانی و سیمبولوو ئازادی، دەنگما بەرز مکەرمێوە. بە ڕێکوستەی گردوو ژەناو جیهانی، ئازادی و سەرکەوتەی مسۆگەر مکەرمێ".
ئەرەیاونایەکە بە درووشموو "ژەنی، ژیوای، ئازادی" و "بژیوۆ سەرۆک ئاپۆ"ی تەمامیا.
