'مدرامانوو گەلوو کوردی، مدرامانێوی دیموکراتیکا'
ڕۆنامەنویسێ و چالاکێ سیاسیێ شاروو سلێمانیینە، ماچا: "مدرامانوو گەلوو کوردی مدرامانێوی دیموکراتیکا، پەوکای دەوڵەتوو تورکی فاشیستی پەنەش قبووڵ نمەکریۆ و بە گرد ڕاێوە گەرەکشەن بسڕۆشۆ."
ڕۆننامەنویس سوارە مەحمود، سەبارەت بە هجووم و ئەرەگیرکارییەکاو دەوڵەتی فاشیستوو تورکی پەی ئاژانسوو هەواڵوو فورات (ANF)ی واتش: "ئی هجووم و پەلاماراو دەوڵەتوو تورکیایە پەی سەروو مەنتێقەکاو کوردستانی جگە جە لایەنی ئەرەگیرکاری، بەشێوی گەورەیچەنێ جە پیسبییەی ژیەگەی و پاشێلکەردەی مافوو هاموەڵاتا، بەڵام بەداخۆ کە لایەنی پەیوەندیدار داکۆکیی وەنەو مافە ڕەواکاو هاموەڵاتا نمەکەرۆ."
هەرپاسە سەبارەت بە هەڵوێستوو خەڵکی دژوو ئەرەگیرکارییەکا واتش: " حەر لاێوەنە ڕووەبەڕووبییەیوە بۆ چێو مفاڕیۆ، بەڵام چێ چالاکییەکانە خەڵکێوی کەم بەشدارێ بانە و وەرگێری مکەرانە، ئینەیچە ماناش ئانێنە جە دۆخەکەی بێئاگێنێ."
حەر سەبارەت بە پەرسەو ئەرەگیرکاری، عادل عوسمان، چالاکی سیاسی لاشۆ پاسنەبێ کوردستاننە جەنگێوی ئەرەگیرکاریی گەورە مکریۆ و واتیچش: "ئی جەنگە جە ئەنجاموو ڕووەبەڕووبییەیوە و مدرامانی گەورەو گەلوو کوردین، دەوڵەتوو تورکی تووشوو ورشانایوە ئامان و وەرانوەرنە گەرەکشەن گەلوو کوردی دلێنەبەرۆ، پەی ئی ئامانجەیچە گەرەکشەن ڕاو پەدەکەی و ئەمریکایوە هەلێوە تەرش دەس بگنۆ، ڕاستەوخۆ و ناڕاستەوخۆ وەنەو گەلوو کوردی بدۆ، ئینەیچە وەروو ئانەینە، کە مدرامانوو گەلوو کوردی مدرامانێوی دیموکراتیین و پەنەشا قبووڵ نمەکریۆ".
واتیچش، "وەراوەرنە پەنەوازا گەلوو کوردی زیاتەر وێش ڕێک بوزۆ و ڕووەبەڕوو هجوومی و ئەرەگیرکارییەکا بۆوە، بە ڕێکوستەی ئایدۆلۆژی و هێز، بەشداریی زیاتەر و پێشکەشکەردەی سیستمی ئەڵتەرناتیڤی، کە سیستموو کۆنفیدرالیزمی دیموکراتیکین."
