دژوو دەسملەرەگێرتەی ئیرادەو گەلی ٣ێ حوزەیرانینە شارەوانیی جۆلەمێرگی، بە دروشموو "شارەوانییەکێ هینێ گەلینێ، ڕا بە دەسملەرەگێرتەی نمەدەیمێ" کۆبییەیوێوە  جەماوەریی کریا.  

یاگێ ئاماژەینە دووێ باڵێوە بەرەو ناوەندوو شاری بە دەیان هەزار کەسێ ڕاپیماێوی جەماوەرییشا کەرد، گردوو چینەکاو گلێرگەی مەدنی و لایەنە سیاسییەکا بەشدارییشا ڕاپیمایەکەنە کەرد.

بە دەیان هەزار کەسێ کە مەیدانوو کۆبییەیوەکەیشا پەڕ کەردەبێوە، دروشموو "بژیوۆ سەرۆک ئاپۆی"، "جۆلەمێرگ هینوو ئێمەن"، "بژیوۆ مدرامانوو جۆلەمێرگی" و "بژیوۆ مدرامانوو زیندانییا"یشا بە گردیوە بەرز کەرۆ. بەشداراو چالاکییەکەی کوردستاننە و تورکیاوە بە جلوبەرگی هەرێمیی وێشاوە بەشدارییشا  چالاکییەکەینە کەردەبێ. بەردەوام مەیدانەکەنە دروشمێ دژوو قەیومە ئەرەمەرزیایەکا وچیێوە.

کۆبییەیوەکە بە دەیەقێوە ڕێزگێرتەی پەی یادوو ئا کەسا جە خەباتوو ئازادی و دیموکراسیینە گیانشا جەدەس دان دەسش پەنە کرد.