مەجلیسوو ژەناو دەم پارتی، دەربارەو باخچەلی کە هەڕەشێش وەنەو پەرلەمانتارێ ساڵیحە ئایدەنیزێ کەردێبێ، واتش: "ئێمە یارای وێما جە نەریتوو کۆشیایماوە ورمگێرمێ". ئەوەخوایش کەردۆ ژەنی ڕا بە هەڕەشا نمەدانێ.
پەرلەمانتارەو دەم پارتی ساڵیحە ئایدەنیزە پەرلەماننە دەربارەو دەسملەرەگێرتەی ئیرادەو گەلوو جولەمێرگی واتەبێش "شمە کوردستاننە داگیرکەرێندێ"، سەرۆکی گردینوو مەهەپەی دەوڵەت باخچەلی بە قسێ فاشیستانێ دەربارەو ساڵیحە ئایدەنیزێ واتەبێش "ئی بوونەوەرە گەرەکشا بەبێ باڵ بەرز بفڕۆ"، مەجلیسوو ژەناو دەم پارتی واتش هەڕەشەکێ باخچەلی دژوو گردوو ژەنا و سیاسەتمەدارانە، کە وەعدوو کۆشیایشا ئەوەخوای کەردەنۆ.
مەجلیسوو ژەنا سەبارەت بە هەڕەشەکاو باخچەلی ماچا: "مشۆم بزانۆ ژەنی ڕا بە هەڕەشا نمەدانێ. دژوو سیاسەتوو دەسەڵاتی، کە ئیرادەو ژەناش دەسبەسەر مکەرۆ، دەس جە کۆشیای ورنمەگێرمێ".
ئەرەیاونایەکەنە ماچا: "دژوو هەڕەشەکا بێدەنگێ نمەبیمێ و سەرە نمەکۆمنمێرە".
ئەرەیاونایەکە ئەوەخوایش مکەرۆوە، "نمەتاوانێ پشتەو کەلیمێ ڕەگەزپەرسی و نەتەوەپەرسییوە وێشا بشاراوە و ژەنا جە سیاسەتی دوور بوزانێوە. ئێمە هەرگیز دەس ورنمەگێرمێ جە واتەی ئانەیە، کە قەیوم ئەرەگیر کەرا، هەردەم وەرگێری جە ئیرادەیما مکەرمێ.
ئێمە یارای وێما جە نەریتوو کۆشیایوە ورمگێرمێ. ئانێ کە ویەردێوی تاریکشا هەن، مەحکومێنێ بە گولانەبییەیوە".
مەجلیسوو ژەناو دەم پارتی ئاخرۆ ماچۆ: "ئی هەڕەشێ جە ساڵیحە ئایدەنیزێ، هەڕەشێنە پەی سەروو گردوو ژەنا و سیاسەتمەدارا، دژوو ئینەیە، وەعد مدەیمێ پەی گەورەکەردەی کۆشیای و یۆگێرتەی.
ساڵیحە ئایدەنیزە تەنیێ نییەنە!".
