چالاکی ئێشکگیری جە دژو سەپناو قەیومیرە سەرو شارەوانی ئاکدەنیزی دەسش پنەکەرد جە ١٠ەمین ڕۆنە بەردەواما. بە بەشداری پەرلەمانتارا پارتی یەکسانی و دیموکراسی گەلا ( دەم پارتی) و نوێنەرا ڕێکوزیێ مەدەنییەکێ، وەڵێ بیناو شارەوانینە ئەرەیاونێوە ونریاوە. جە چالاکییەکەنە چنین جارێ دروشمو "هامسەرۆکێ هۆرچنییەکا ئیرادەمانێنێ"، "نا پەی قەیومی، ڕێز جە ئیرادەو گەلی گێردێنە"، "دز ملۆنە گەل مەنۆوە" بەرزکریاوە.

جە ئەنداماو ئەنجوومەنو شارەوانی ئاکدەنیزی فەریدە ئاسڵانە سەپناو قەیومی پێسەو “کودەتا” ی پێناسەش کەرد.

ئەندامەو (MYK) پەیوەندییە کۆمەڵاتییەکێ چیگدەم سەرینە ناڕەزایەتیش جە وەراوەرو دەس سەرەرەگێرتەی ئیرادەیرە نیشانەشدا و واتش: "قەیوم، دەس سەرەرەگێرتەی و تاڵانییا. ئیرادەو میلیۆنان کەسا دەسش سەرەرە گیریان. بانگەشەو ئانەیە کەرانە کە کێشەو کوردی چارەسەر کەرانە، هرووژم کەردەی سەرو نوێنەرا گەلو کوردی بەردەواما. یاگێ هورچنیای قەیومی سەپنریۆنە و دەس سەرو شارەوانیرە گێرانە. دیارا دەسەڵاتداری ئاکەپە-مەهەپەی چارەسەری ئاشتیی نییا".

ئەڏاو ئاشتیی ڕازیە سونەرە واتش: "جە زینان کەردەی و کوشتەی مەتەرسمێنە. ئینایمێ چێ. قەیومەکا بە نەفرەت مکەرمێنە. هامسەرۆکێ شارەوانی وێما گەرەکێنێ. نمەتاوتێنە تەرسندێما. هەتا شارەوانییەکاما بە دەس مارمێوە چێگە بیمێ، ئێمە ئاشتیوازێنمێ".

پەرلەمانتارو دەم پارتی مەحمود دیندار واتش: "یان شمە ئاشتیی شکۆمەندانەو ئا ئەڏا گەرەکشا جابەجێش کەردێ، یا سەرکەوتوێ مەبیدی. بە قەیومەکا ئیرادەو کوردی حسابش پەی مەکریۆنە. پێسەو ئانەی ١٠٠ ساڵێن مڏرامان مکەرمێنە، چێگە و جە گرڏ مەیانێنە مڏرامان مکەرمێنە".