جمیەروو دۆستایەتیی گەلا و وەرگێریی نەژادپەرسی (مراپ) وەڵێ ئەرەنیشتەی نەتەوە یۆگێرتەکانە ڕاپۆرتەکێ وێشنە سەبارەت بە تورکیای ئاماژەش بە گۆشەگیریی ئیمراڵی و هجوومەکاو دژ بە کوردی کەردێنێ.
ئەرەنیشتەی ٥٦ەمینوو ئەنجومەنوو مافەکاو ئینسانوو نەتەوەیۆگێرتەکا ١٨و حوزەیرانیوە تا ١٢و تەمووزی شاروو جنێڤوو سویسراینە سازمکەرۆ. جمیەروو دۆسایەتیی بەینوو گەلا و وەرگێریی نەژادپەرسی (مراپ) کە یۆ جە بەشداراو ئەرەنیشتەکەینێ، وەڵێ ئا ئەرەنیشتەینە ڕاپۆرتێوەش سەروو پاشێلکەردەی مافەکا تورکیانە پێشکەش بە کۆمیتەو نەتەوەیۆگێرتەکا کەرد.
ڕاپۆرتەو مراپینە گۆشەگیری سەروو ڕابەروو گەلوو کوردی عەبدوڵا ئۆجالانی و زیندانەکا، پاشێلکارییەکاو مافوو ئینسانی ورچنیەیە گردینی و وێمانەکانە تورکیانە و کوردستاننە وزیێنێ ڕووە. ڕاپۆرتەکێنە ئامان کە حکومەتوو تورکی ساڵەکاو وەڵینە و دماو حەرورچنیەێوی کردەوە چەوسنەرانێ و دژە دیموکراتیکەکێش دژوو ڕەنجدەرا، ئەرەیاونکارا، هونەرمەندا، سیاسەتمەدارا و مافپارێزنا میاونۆ یاگێ و ئانەیچە وزیان ڕووە، کە ڕاو ئا کردەواوە هەوڵێ مدریانێ گەل و لایەنە ئۆپۆزسیۆنەکێ بێدەنگێ و کپێ بکریانێ.
