میدیاو یەنەکەی: یەرێ کادرێ یەکێتی (یۆبییەی) شێلادزێنە بێسەروشۆنێنێ
میدیاو یەنەکەی وەڵاش کەردۆ، یەرێ کادرێ یەنەکەی سنووروو ناحیەو شیلادزێنە بێسەروشۆنێ بیێنێ و تا ئیساتێ چارەنویسشا نادیارا، هێزە ئەمنییەکێچ بارەشاوە هیچ زانیاریێوەشا وەڵا نەکەردەنۆ.
سەرچەمێوە جە کۆمیتەو شێلادزێی یەنەکەیوە بە میدیاو حزبەکەیش واتەن: یەرێ گەنجێ کە کادرێ یەکێتینێ بە نامەکاو (دیار نەزمی سیتەیی، هێمن تەیموس بەیاز سیتەیی، سەفین عەلی ئیسماعيل سيتەیی ڕێکانی)ی.
ئاماژەش پانەیچ کەرد، ئا یەرە گەنجێ ڕۆو ٩ـو ئی مانگێ، لوێنێ بامەڕنێ و دمایی دیارێ نەمەنێنێ و هەڵای چارەنویسشا نادیارا.
سەرچەمەکە باسوو ئانەیش کەردەن، هەڵای دەزگا ئەمنی و لایەنە پەیوەندیدارەکاو مەنتێقەکەی هیچ قسێوی ڕسمییەشا سەروو دیارنەمەنەی و چارەنویسوو ئا یەرە گەنجا نەدریان و زانیاری نمەدا بارەشاوە.
ناحیەو شیلادزێنە سەر بە شارەکڵەو ئامێدیینە پارێزگاو دهۆکینە و مەنتێقەکەیشانە بە هێزی فرەو پەدەکەی و دەوڵەتوو تورکی دەورە دریان، بەڵام ئا ناحیە بەردەوام چالاکیی ناڕەزایەتى و وەڵاتپارێزنی و هەرپاسە دژایەتیکەردەی دەوڵەتى داگیرکەروو تورکی دلێشنە قەوەتا.
