جە گەڕەکەو ڤیلیرێس لا بێلـی پاریسینە جە چوارچێوەو هەڵمەتەو "ئازاڎیی پەی ڕابەر ئاپۆی، چارەسەری پەی پرسوو کوردی"ینە ڕاپیمایۍ کریا.

ڕاپیماکەی بە سەرمەشقایەتی گەنجا ئەنجامدریا و چڼین جارۍ درووشمەکۍ "بژیۋۆ سەرۆک ئاپۆ" و "بە گیان بە ۋنی ئینایمۍ چنیت ئەی سەرۆک" بەرزۍ کریېوە.

دماو دەیەقېوە ڕێزگرتەی پەی یاڎکەردەیۆ گەشمەرڎا، ئەرەیاۋنېوە ۋنیاوە.

جە ئەرەیاۋناکەینە سەرنج وزیا سەرو گۆشەگیری ٢٥ ساڵەو ڕابەروو گەلوو کوردی عەبدوڵا ئۆجالانی، تەئکید کریاوە کە ٣٩ مانگېن حیچ زانیاریېوە جە بارەشۆ نییا. ئاماژە پانەی کریا، ئامانجوو گۆشەگیری پاگیری هێزەکاو مۆدێرنیتەی سەرمایەدارییا سەرو چارەسەرنەکەردەی کێشەکاو ۋەرکەوتوو میامینی.