کۆمیتەو ئایینی و باوڕەکاو پارتوو ژیوای ئازادوو کوردستانی (پەژاک)، بە بۆنەو جەژنەو قوربانیوە پەیامێویش وەڵا کەردۆ. پەیامەکەنە ئامان، "جگە جە مەبارەکبایی جەژنەو قوربانی وەنەو گلێرگەو مسوڵمانا و گەلەکەیما، داوا جە سەرجەموو گەلا و گلێرگەکا مکەرمێ پەی یۆبییەی و یەکڕیزی و خەباتی پەی  بەرزکەردەی ژیوای ئازاد و دیموکراتیکی. ڕوێوە چینەنە پەشتیوانی وەنەو ڕابەر ئاپۆی پێسە عەندازەگیروو ژیوای  ئازاد و دیموکراتیک، یاردەی وەرەچەم بە ئازادیی گەلەکەیما و ئازادیی گەلە چەوسیاوا میاونۆ.  هومێدەوارێنمێ سەیەو جەژنە و بۆنەکا پێسەو جەژنەو قوربانیوە، ڕیزەکاو یۆگێرتەی و ئینساندۆسی و ئازادیوازی و دیموکراسیوازی قەوەتتەر بۆ و کۆشیای پەی بونیادنیای گلێرگەی ئازادی فراوانتەر بکریۆ".

گردوو ئەرەیاونیاو کۆمیتەو ئایین و باوڕییەکاو پەژاکی ئینەنە:  

"جیهانی ئیسلامی وەختێوەنە جەژنەو قوربانی مەبارەک مکەرۆ، کە وەرکەوتوو دلێڕاسەی بی بە چەقوو جەنگی شەڕ و کوشتاری دژوو گەلە چەوسیاوا. دەوڵەتە هەژموونگەرا و ئەرەگیرکەرەکێ بە ئامانجوو دلێنەبەردەی گەلە چەوسیاوا و پەرەپەنەدای بە کۆلۆنیالیزم دژوو گەلای تەری چندین جەنگێشا ورگیرسنێنێ، کە ئایرەکەش غەززەوە تا کوردستانش تەنان.  

جەژنەو قوربانی دلێ مسوڵمانانە پێسە ڕۆو جەژنەو ویەردەی چەمکوو قوربانیکەردەی ئینسانین، بەڵام ئارۆنە  ئانە بییەن بەشەو گەلە چەوسیاواو وەرکەوتوو دلێڕاسەی، کوشتاری یپ دماو یۆی، ئەرەگیرکەردەی وەڵاتا، فاڕای دیموگرافیا و جینۆسایدی کولوتوری و تاونایۆی کولتوریی هەسا. سیستمە دەوڵەت-نەتەوەکێ بە ئەقڵیەتوو سیستمی سەرمایەدارییوە دەسشا کەردەن بە سڕیەیوە و دلێنەبەردەی گەلە بێوەرگیرییا. ئێراننە ئی دۆخە پاش نیان قۆناغی خۆفناکوو دلێنەبەردەی گلێرگەی و سەروو دەسوو سیستمی سەرکوتگەریوە. تا ئا وەختە هجوومە وەروەڵایەکاو تورکیای پەی سەروو بەشە جیاجیاکاو کوردستانی و سیاسەتی سەرکوتکارانە و تاونایوە کولتوروو ئێرانی دژوو کوردەکا بەردەوام بۆ و سوریا وعێراقنە ڕێز وەنەو مافەکاو کوردی نەگیریۆ و لغەزەنە کوشتاروو خەڵکی مەدەنی بێوەرگێریی بەردەوام بۆ، جەژنەکێ مانایێوەشا نمەبۆ.

بێگومان بەشەو کوردەکا جەنگ و کوشتار و جینۆسایدی کولتوریی بییەن. بێدەنگی وەراوەروو کۆکوشییەکاو ڕژێمە باڵادەسەکاوە مەنتێقەکەنە، بێدەنگی وەراوەروو ئی ئاستە جە جەنگی کە دلێشنە چەکی کیمیایی دژوو گەریلای بەکارمێ، پەشتکەردەین جە هەرمانە ئینسانی و کۆمەڵایەتییەکا. پێویسا جەژنەو قوربانینە کۆشیای دژوو ڕەوتی سەرێعوو جەنگی و کۆکوشیی کولتوری دژوو کوردەکا پەرەش پنە بدریۆ. جەژنە و بۆنەکێ وەختێو مبانێ بە هێماو ئاشتی و ئارامی و ئاسایشی و گەشەی کۆمەڵایەتیی گەلا، کە وەرگێریی جەنگی و کوشتارە یۆ دماو یوەکا کوردستانی و وەرکەوتوو دلێڕاسەی بیمێوە و جەژنەو قوربانی بۆ مایێ هێماو ئاشتی. دلێنەی هەقەتینوو جەژنەو قوربانییچ ئینەنە کە ڕاگێری وەنەو قوربانیکەردەی گەلە چەوسیاوا بکریۆ. ئارۆنە ئینسانەکێ ژیوگە و نیشتمانەکاو ئاشتی و ژیوای و ژەنا بە ئاسانی مبانە قوربانیێ چەمچنۆکی دژە مرۆیی و هەژمونگەرایی سەرمایەداری و دەسەڵاتوازی، قۆناغێوە چینەنە ئەوەڵ هەرمانە ئانێنە جە بۆنە و جەژنەکانە، پتەوکەردەی پایەکاو یەکڕیزی دژوو ستەمی و جەنگی.

کۆمیتەو ئایین و باوەڕییەکاو پارتوو ژیوای ئازادوو کوردستانی (پەژاک) جگە جە مەبارەکبایی جەژنەو قوربانی وەنەو گلێرگەی مسوڵمانی و گەلەکەیما، داوا جە سەرجەموو گەلا و گلێرگەکا مکەرمێ پەی یۆبییەی و یەکڕیزی و خەباتی پەی بەرزکەردەی ژیوای ئازاد و دیموکراتیکی. ڕوێ چینەنە پەشتیوانی وەنەو ڕابەر ئاپۆی پێسەو عەندازەگیروو ژیوای ئازادی و دیموکراتیکی بکەرا، کە یاردەیێو وەرەچەم بە ئازادیی گەلەکەیما و ئازادیی گەلە چەوسیاوا میاونۆ. هومێدما هەن سەیەو جەژنێ و بۆنەکاو پێسە جەژنەو قوربانینە، ڕیزەکاو یۆگێرتەی و ئینسناندۆسی و ئازادیوازی و دیموکراسیوازی قەوەتتەرێ بانە و کۆشیای پەی بونیادنیای گلێرگەی ئازاد فراوانتەر بکریۆ".