بە بۆنەو سێنزەیەمین ساڵیادوو داستانوو قەندیلیوە، پژاک ئەرەیاوناێوی نویسیاش وەڵا کەردۆ و ماچۆ: "داستانوو قەندیلی سەلەمناش سیاسەتوو سەرکوتکەردەی دژوو گەلوو کوردی، سیاسەتێوی سەرکەوتە نمەبۆ".
پارتوو ژیوای ئازادوو کوردستانی (پژاک) بە بۆنەو سیانزەیەمین ساڵیادوو داستانوو قەندیلیوە ئەرەیاوناێوی نویسیاش وەڵا کەردۆ.
دەقوو ئەرەیاونایەکەو پژاکی ئینەن:
"ڕۆو ١٦ و تەمموزو ٢٠١١ دەوڵەتوو ئێرانی بە ئامانجوو سەرکەوتەی دمایی سیاسەتی و بەرنامە کۆکوشییەکەیش دژو گەلوو کوردی، هجوومش کەرد سەروو کەشوو قەندیلی و ناوەند و چەقوو کۆشیای گەلەکەیما. سەیەو مدرامانوو هێزە فیداکارەکا و فیداکاریی گەریلایوە، ئی هجوومە فراوانا، ڕووبەڕوو شکسی کریێوە. سێنزەیەمین ساڵیادوو ئی داستانە گەورە و تارێخییەینە، یادوو گەشمەردەکاما بەرز مرمانمی.
داستانوو قەندیلی ڕاو گەشمەرداو پێسە فەرماندە سمکۆ سەرهەڵدانی و عەگید سنە و ساریا و زەردەشت وەرفین چلچمە و هامڕا گەشمەردای تەریماوە، بە ئامانجوو بەرزیی پارێزنای گەلوو کوردی ستەمدیدەی ئاما وەرۆ. ئارۆیچ، هەرمانەو ئێمە درێژەدایا بە کۆشیای پەی بۆ بەدیئاردەیی وەرموو گەشمەردا و مدرامانکەراو قەندیلی.
ساڵەو ٢٠١١ ئێران بە مەبەستوو سەرکوتکەردەی و فۆتنای پارتەکەیما، هجوومێوی وەرفراوانش پەی سەروو هەرێموو قەندیلی دەس پەنە کەرد، چی هجوومەنە، دەوڵەتوو ئێرانی بە شێویوی وەرفراوان گردوو هێزەکا و تەکنەلۆژیای مۆدێرنی و جاشەکاو دلێش بەکارێ ئاردێ،بەڵام هامڕێ بە دەرفەتێوی کەمۆ، مدرامانیوی ئەفسانەییشا کەرد. ئی مدرامانە بە فەرماندەیی فەرماندە سمکۆی و ئا گەنجا بە باوەڕوو ئازادی و دیموکراسییوە ئامێ ڕیزوو پارتەکەیماوە، یاوا ئەنجام.
داستانوو قەندیلی چند بنەماێوی گرنگێش سەلەمنێ: یوەم، سەلەمناش ڕۆحوو مدرامانوو ئێمە کە جە فەلسەفەی ئاپۆییوە سەرچەمە مگێرۆ، دوورا جە شکستی و تەسلیمبییەیوە. جە بڕێو خاڵێنە، هامڕێ گەریلێما بە تیمێوی چند کەسی وەراوەروو هجوومی سەختوو تۆپخانەی و هجوومی زەمینی هەزارا سەروازاو ئێرانینە، تا دما هەناسە و تا گەشمەردەبییەی مدرامانشا کەرد. ئی وێگێرییە، مۆراڵوو دوژمنیش ماڕا، تەنانەت بڕێ جە جاشەکا چێروو کاریگەریی ئی مدرامانەینە، چەکەکێشا فڕ دێ. دووەم، داستانوو قەندیلی سەلەمناش سیاسەتوو سەرکوتکەردەی دژوو گەلوو کوردی، سیاسەتێوی سەرکەوتە نمەبۆ، گەلوو کوردی سەرەمڕ ڕۆحوو مدرامانوو وێش پارێزنان. بێگومان سەرکوتی زیاتەر هەمیشە مدرامانی فراوانتەر شۆنەو وێشرە مارۆ، حەرپاسە سەرکوتوو دەسەڵاتی، ڕەوایەتیی کۆشیای گەلوو کوردی مسەلەمنۆ.
داستانوو قەندیلی سەلەمناش کە ورچنیەی سەروازی ورچنیەیوی گونجیا و سەرکەوتە نییەن، پەی پەرسەو کوردی چونکوم پەرسەو کوردی پەرسێوی سیاسییەنە و بە ڕاکارێوی دیموکراتیک چارەسەرە مکریۆ. نیایرەی پەرسەو کوردی چوارچێوی ئەمنینە و هەوڵدای پەی لێنەبەردەی کوردی ڕاو سەروازییوە تەنیا زەرەرەکا زیادێ مکەرۆ و پەرسەکێ مفاڕۆ پەی لکەکۆرێوی گەورەتەرێ. ئینە ئینا وەختێوەنە کە چارەسەری دیموکراتیکانەو پەرسەکێ متاوۆ ئی زەرەرا کەم بکەرۆوە و پەرسەکێ بەرەو ئاشتیێوی بەردەوامێ بەرۆ. پەوکای ورچنیەی سەروازیی پێوەس بە پەرسەو کوردی، وێپارێزنای ڕەوا مکەرۆ بە ئەولەوییەت. ئی چەرخوو شەڕورەتەی و کۆکوشییەو دەوڵەتوو ئێرانی پێویسا شۆن و وەختێونە بمردنیۆ.
شۆڕشوو ژەنێ، ژیوای، ئازادی بە ڕۆشنی نیشانەش دا کە مدرامانی قارەمانانەو قەندیلی و کۆشیای ئازادیی گەلوو کوردی بناغەو شۆڕشوو ژەنی، ژیوای، ئازادیی بێ. داستانوو قەندیلی و شۆڕشوو ژەنی، ژیوای، ئازادیی سەلەمناش، کە پۆتانشییەڵەکاو گەلوو کوردی هەمیشە عارەزوو ئازادییش هەن و کەس نمەتاوۆنە ڕاش وەنە بگێرۆ، گەلوو کوردی هەمیشە درێژە بە کۆشیای وێش مدۆنە. ئانە کە مەنۆوە ئانەنە، ئی کۆشیایە چە ڕاڕەوێوە ورمگێرۆ، ئینەیچە تا سنوورێوە لکە دریان بە چەنیبییەی مامەڵەکەردەی چەنی پەرسەو کوردی.
داستانوو قەندیلی پەشتیوانیێوی گەورەو گەلەکەیماش هەرێموو پانیشتوو کوردستانینە و تەماموو بەشەکای تەرینە شنەو وێشەرە ئارد، سەلەمناش کە گەلوو کوردی کۆشیایەکەیش یاونان قۆناغێوی باڵاتەر و مۆدێرنتەر.
پارتوو ژیوای ئازادوو کوردستانی (پژاک) یادوو گردوو گەشمەرداو ڕاو ئازادیی، بەتایبەت گەشمەرداو داستانوو قەندیلی گەشمەردێ سمکۆ سەرهەڵدان و عەگید سنە و ساریا و زەردەشت و بەرفین و تەماموو گەشمەردا، بەرز مرمانۆ، کە ڕاشا وستە وەڵێما ڕۆشنگەرانە و فیداکارانە چراوەکێشا پەی گیسنێنەنە. پەوکای قەرزارێ تەماموو گەشمەردانـمێ و تەنیا بە بەدیئاردەی ئازادیی متاومێ ئی قەرزەیە بدەیمێوە. ئێمە وانێوی گەورەو کۆشیایما دژوو کۆکوشیی بێبەزەییانەو دوژمنی جە گەشمەردا و فەرماندەکاو پێسە سمکۆ و ساریایوە ورگێرتەن، هیچ ڕایێوی تەرە شکە نمەبەرمێ، بێجگە جە کۆشیای شکۆمەندانەی پەی یاونای گەلەکەیما بە ئازادیی. بانگەواز جە گەلەکەیما مکەرمێ ، بە گەورەکەرەی کۆشیای و چالاکییەکاشا، بە ئامادەبییەی پەڕ جۆشوخرۆش مەیدانەکانە و بە پەشتیبەستەی بە ڕۆحوو داستانوو قەندیلیوە، ڕای شکۆمەندەو بەدەسئاردەی ئازادی و بەدیئارەدی دیموکراسی بگێرانە بەر. بەرز و مەبارەک بۆ یادوو گەشمەرداما، کۆشیای گەلەکەیما و گەلە ستەمدیدا حەر بەردەوام بۆ".
