پەژاک: شۆڕشوو ١٩و تەممووزی بی بە سەرچەمەو ئیلهامی
هامسەرۆکایەتیی پەژاکی جە بەیاننامەکەشەنە بۊنەو ساڵیاڎو شۆڕشو ١٩و تەمموزو ۋەرنیشتیۆ ئەرەیاۋناش: "ئی شۆڕشە بی بە ڕەمز و سەرچەمەو ئیلهامی پەی ئازاڎیی و پێوەرە ژیۋای و دیموکراتیکی گەلا."
پارتوو ژیۋای ئازاڎیی کورڎەسانی (پەژاک) بۆنەو ١٢ەمین ساڵوەگەرو شۆڕشو دەرنیشتیۆ پەیامێوەش جە ماڵپەڕو ۋێشەنە وەڵاکەردۆ و یاڎو گەشمەرڎا شۆڕشیش بەرز ڕاگېرت.
دەقوو پەیامەکەی پەی هامسەرۆکایەتیی ئەنجومەنی ڕاوەبەری خۆسەری دیموکراتیکوو سەرنیشت و ۋەرکۊتوو سوریای پی جۊرەنە:
"بۆنەو ١٢ ەمین ساڵیاڎو دەسپنەکەردەی شۆڕشو گەلا جە ۋەرنیشتوو سەرنیشت و ۋەرکۊتوو سوریای مبارەکبایی جە شمە و گرڎوو گەلا هەرێمەکەی مکەرمۍ. ئا شۆڕشە بی بە هێما و ئیلهامو ئازاڎیوازی و پێوەرە ژیۋای دیمۆکراتیکی گەلا. ئیساتۍ نەتەوەی دیمۆکراتیک بیەن بە ڕۆژەڤێوە حەقەتینە و جددی پەی ژیۋای گرڎوو گەلا مەنتیقەکەی. بەدیڵێوە فرە پەی ئا شۆڕشەیە دریا و ئا ڕێبازە بی بە پرشنگوو ڕۊشنایی پەی گرڎوو مرۆڤایەتی. ئێمە بە ڕێز و حورمەتۆ گرڎوە گەشمەرڎا یەپەگە، یەپەژەی و هەسەدەی و گرڎو هێزە پارېزنەکا ئی شۆڕشەیە یاڎۍ مارمېوە و سڵام و ڕێزو ۋێما پێشکەش بە زەحەمەتکێشا و ۋەرپەرسا ئا شۆڕشەیە مکەرمۍ.
هیواڎارێنمۍ پېسە چنی گەلەکەما ئا شۆڕشەشە کەرد بە هیوێوە پەی مرۆڤایەتی، شمەیچ جە پارېزنای ئی شۆڕشە گۊرەینە جە ۋەرا ۋەرو هرووژمی تیرۆریستی و فاشیستیەکانە سەرکۊتۍ بیدۍ. ئێمە مزانمۍ کە چنی مڎرامانتا دژوو داعشی نموونێوە تاریخی بۍ، پا جۊرەیچ مڎرامانتا جە ۋەرا ۋەروو هرووژمە فاشیستیەکا تورکی پەشتیوانوو داعشینە، بۆ بە شکۆمەنڎیۍ تاریخی پەی گرڎوو ئازاڎیوازا جیهانی. هیواو ئێمە و گرڎوو دڵسۆزا ئا شۆڕشەیە، سەرکۊتەین پەی بەدیئامای ژیۋایۍ هامبەشی و ئازاڎی، دیموکراتیک و ئیکۆلۆژی و یاوای بە مەرامەکاتا."
