دەگاو کاراجائۆرەنی مەنتیقەو هەوەنگی رحاینە جەردەوانەکۍ دەس مگېرانۍ سەرو زەمین و خەڵکوو مەنتیقەکەیرە. سەرەڕاو ناڕەزایی دەگا نشینەکا و قەراروو دادگایچ بەڵام جەردەوانەکۍ زەمینەکا پەی مەسڵەحەتوو ۋېشا بەکارمارا.
دەگاو کاراجائۆرەنی مەنتیقەو هەوەنگی رحاینە جەردەوانەکۍ دەس مگېرانۍ سەرو زەمین و زاروو هیتیارا مەنتیقەکەیرە ، ئی زەمینۍ جە تەرەفوو جەردەوانەکاوە پەی ساڵەو ٢٠٢٣ و ٢٠٢٤ جە ڕاوەبەرایەتی دارسانی و کشتوکاڵی شارو ئورفەیۆ بە کرێ گیریېنۍ، پۊکەی هیتیارۍ مەنتیقەکەی دژوو ئی قەراریە مردېوە، دماتەر جە تەرەفوو پارێزگاروو ئۆرفەیۆ ئی قەرارە مردا. چنی مردای قەرارەکەیچ هەڵای جەردەوانەکۍ زیاتەر جە ٩٥٠ دۆنما چا زەمینا بەکاربەرانۍ.
