شارەوانیی سێرتی پلانێوی خزمەتگوزارییەنە، کارتێ فاڕایوەی گردینیش پەی ژەنا دلێ شارنە بە نرخێوی گونجیا بە نامێ 'ژەن کارت'یوە وەشێ کەردێنێ. ژەنی متاوانێ فەرمانگەو شارەوانیی سێرتی و خاڵەکاو پەڕکەردەیۆنە کارتەکا وربگێرا. بۆنەو ئی کارتاوە ژەنی جە سواربییەی گردینوو سەیارانە پێسەو خزمەتگوزاری بە نیسبەت زەڕی کەمتەر مدانە. 

سۆفیا ئالاگاشە هامسەرۆکەو شارەوانیی سێرتی، واتش: "ئا ئەپڵیکەیشنە( ژەن کارت)، کە پەی ژەنا کاراما کەردەن تا بە ئاسانی و هەرزان ئیسفادە جە فاڕایوەی گردینی وربگێرا، ئینە یۆن جە پڕۆژەکاو خزمەتگوزاریی کۆمەڵایەتیما پەی ژەنانو بەردەوامێ مبیمێ جە هەرمانای تەری. هەرپاسە خوڵکەو ژەنە دووەگیانا مکەروو کە ئیسفادە چی ئەپڵیکەیشنەیە وربگێرانێ."