شتوتگارتەنە دژوو دەس سەرەرە گېرتەی ئیرادەی داواو مدرامانی کریا
پێکئامایەکۍ یۊبیەی هێزە دیموکراتیکەکا شتوتگارتی ئەرەیاۋناشا ڕژێموو ئاکەپە-مەهەپەی ئیرادەو کوردا ۋەرچەم مەگېرۆ و داواو مدرامانیشا کەردە.
بە دیمەن
چالاکی دژوو دەس سەرەرەگېرتەی ئیرادەی
دەس سەرەرەگېرتەو ئیرادەو گەلو جولەمێرگی جە تەرەفوو ئاکەپە-مەهەپەیۊ جە شارو شتوتگارتوو ئەڵمانیاینە بە گلېرۊبیەیۍ شەرمەزارکریا.
کوردسانیا و دۆسەکېشا بە سەرمەشقایەتی یۊبیەو هێزە دیموکراتیکەکا ئەوروپای (ئەدەگەبە) ناوەندوو گلېرگەو کوردی دیموکراتیکی شتوتگارتی (دەکتەم)ی کوۍ بیێوە.
هامسەرۆکا دەکتەمی مەسعود داغان و پەروین ئازاڎییە جە گلېرۊبیەکەینە قسېشا کەردۍ، تەئکیدکریاوە ڕژێموو ئاکەپە-مەهەپەی ئیرادەو کوردا ۋەرچەم مەگېرۆ و داواو مدرامانیشا کەردە. داواشا جە هێزە میان نەتەوەییەکا کەرد دژوو هجوومە هەمەلایەنەکا ڕژێموو ئەردۆگانی بێدەنگۍ نەبا.
دماتەر ئەرەیاۋناو ئەدەگەبەی ۋنیاوە و تەئکیدکریاوە ڕژێموو ئاکەپە-مەهەپەی بە ئەرەگیرکەردەو شارەوانی جولەمێرگی ئیرادەو گەلی پاشێل مکەرۆ.
حەرپاسە سەرنج وزیا سەرو هەڕەشەکا ئەردۆگانی فاشیستی پەی ڕاگېرتەی جە هۊرچنیەو ئیدارە دلېینەییەکا ۋەرنیشتی و ئینە پېسە نیشانۍ ۋەرفراوانکەردەی هجوومەکا دەوڵەتوو ئەرەگیروو تورکی ئشناسیا.
جە دمادماینە داوا جە ئەرەمەرزیا و ڕێکوزیا دیموکراسیوازەکا کریا دژوو دەس سەرەرەگېرتەی ئیرادەو گەلی و هجوومەکا دەوڵەتوو ئەرەگیروو تورکی هەڵوێس هۊرگېرا.
