سوپاو تورکی حەسکیف و ئاگری-ینە هجوومی ئەرەگیرکارییش دەس پەنە کەرد
هێزەکاو دەوڵەتوو تورکی هەرێموو ماواو سەر بە مەنتێقەی تاریخیی حەسکیفینە سەرنیشتوو کوردستانینە و کەشوو ئارارات-گلداغینە و هەرێمەکای تەرنە، هجوومی ئەرەگیرکارییش دەس پەنە کەرد.
دەشتاییەکاو دەگاو خربێکوروو هەرێموو ماواو مەنتێقەو حەسکیفوو ئێلحینە ١٨ حوزەیرانیوە هجوومی ئەرەگیرکارییش ەس پەنە کەردەن.
بەپاو زانیارییەکا نیمەو شەوێنە جەنگ ورگیسیان و هاموشۆ دەگێکێنە قەدەغە کریان، پەیوەندیی دەگێکێ لەڕاو ئینتەرنێتی و تەلەفۆنیوە پڕچیان.
ئەرەیاونیان، هاموشۆو هەلیکۆپتەری عاسمانوو دەگێکێنە فرە بییەن. پارێزگاروو باتمانوو دەوڵەتی ئەرەگیرکەری واتش، هاموشۆ پەی دەگێکێ تا ٣ تەمووزی قەدەغەن.
ئاگری
ئەرەیاونیان دامنەو کەشوو ئارارات-گلداغینە و هەرێمەکای تەرینە، بە بەشداریی سەروازا و پۆلیسا و جەردەوانەکا، ئۆپەراسیۆنێوی سەروازی دەسش پەنە کەردەن، زانییان جموجووڵوو هەلیکۆپتەرەکا عاسمانەنە زیادش کەردەن و هاموشۆ جە چەند کوێستانێوەنە قەدەغە کریان.
