زانکۆو تۆرنتۆیینە لاو گەنجە ئەنتەرناسیۆنالیستاوە چوارچوەو واتەواچکەردەی وینگەکاو ڕابەروو گەلوو کوردی عەبدوڵا ئۆجالانی، ئازادیی ژەنا و پەرسەکاو جەنگی یەرەموو جیهانیوە سیمینارێوی یەک حەفتەیی ڕێک وزیا.
مانگەو گوڵانیوە وانیاراو زانکۆو تۆرینۆی ئیتالیانە بە ئامانجوو شەرمەزارکەردەی هجوومەکاو ئیسرائیلی پەی سەروو گەلوو فەلەستینی زانکۆکەنە چالاکییشا هەن. حەر پێوەس پا چالاکییاوە گەنجێ ئەنتەر ناسیۆنالیستێ جە بەردەوامیی چالاکییەکاشانە چوارچوەو پارادایمەکاو ڕابەروو گەلوو کوردی عەبدوڵا ئۆجالانینە سیمینارێوەشا ڕێک وست.
سیمینارەکە جە چند ڕوێوی جیاوازەنە کریا و سەروو بابەتەکاو ئازادیی ژەنێ و جەنگی یەرەموو جیهانی قسێسا بارەوە کریا.
پەی ئازادیی ڕابەروو گەلوو کوردی
جە تەماموو ڕوەکاو حەفتەو سیمینارەکەینە پەی ئازادیی جەستەیی ڕابەروو گەلوو کوردی عەبدوڵا ئۆجالانی ستاند نریارە، هەرپاسە بارەو پارادایمەکاو ڕابەروو گەلوو کوردیوە واتەواچ کریا و بە چندین وانیارە گەنجا زانکۆکە ئاشنا کریا.
