جمیەرو گلێرگەو دیموکراتیکی (تەڤ-دەم) پەیامو سەبارەت بە ١و ئایارینە بانگەوازش کەرد و واتش، "چی ڕوە تاریخییەنە با جارێوی تەر داواکاریی ئازادیی جەسەیی ڕابەرو گەلو کوردی عەبدوڵا ئۆجالانی بەرز بکەرمێوە.
جمیەرو گلێرگەی دیموکراتیکی (تەڤ-دەم) بە ئەرەیاوناێو ١و ئایاریش جە کرێکاراو سەرنیشت و وەرکەوتو سوریای، جیهانی و وەرکەوتو دلێڕاسەینە مەبارەک کەرد.
بەیاننامەکەنە ١و ئایاریشا وەنەو ڕابەرو گەلو کوردی عەبدوڵا ئۆجالانی مەبارەک کریا و ئاماژە پانەیە کریا: "با پێوە ئی ڕۆیە مەبارەک بکەرمێ و چی ڕوە تاریخییەنە پێوە بەقەوەت داواو ئازادیی جەسەیی ڕابەرو ڕەنجدەر و وێگێر ڕابەر عەبدوڵا ئۆجالانی بەرز بکەرمێوە."
ئەرەیاونایەکەنە ئاماژە پانەیە کریان، کە بنەماو هەڵمەتەکاو پەشتیوانی پەی ئازادیی جەسەیی ڕابەرو گەلو کوردی عەبدوڵا ئۆجالانی و چارەسەری سیاسیی کێشەو کوردی، میراتو کۆشیای و مدرامانو ڕابەرو گەلو کوردی عەبدوڵا ئۆجالانین، کە ڕۆحو هێزو کرێکاراو هەرێمەکەین و جیهانش ڕاو پڕۆژەی نەتەوەیی دیموکراتیکیوە واوەی زیندە کەرۆ.
هەرپاسە بەیاننامەکەنە ئاماژە بە دەورو ژەناو کرێکارا جە ڕووەبەڕوەبییەیۆ ئەرەگیرکاری، سیاسەتو چەوسنایوە و تیرۆری کریان.
بەیاننامەکەنە بانگەوازێو ئاراسەو ئەرەمەرزیا، سەندیکا و ڕێکوزیا گلێرایەتی و ڕۆشنویرییەکا کریان، کە بە جۆشۆ بەشداریی جە مەبارەکباییەکاو ١و ئایارینە بکەرا.
ئاخرو بەیاننامەکەینە ئامان؛ "پەی بەدەسئاردەی مافە ڕەوا، دادپەروەرییەکا و بنیاتنیای گلێرگاێوی دیموکراتیک و ئازاد پەشتیوانی جە گردو کرێکارا و کۆشەرا مکەرمێ."
