تەڤگەروو ئازادیی گلێرگەو کوردستانی ئەرەیاوناش، هومێدما هەن چی چەژنێنە گەلێ چەوسێوی، کۆشیای پەی ئازادیی و دیموکراتیی و پێوەژیوای فراوانتەر بکەران، جەختیچش کەردەنۆ کە جەژنەو ئانیشانە کە ژیواى وێشا بە خاکی بەخشان.
تەڤگەروو ئازادیی گلێرگەی کوردستانی بارەو ئامای جەژنەو قوربانیوە ئەرەیاوناێوەش وەڵا کەردۆ:
دلێشنە ئامان، "بە بۆنەو جەژنەو قوربانیوە، بە نامێ سەرجەموو ئەنداماو تەڤگەروو ئازادیی گلێرگەو کوردستانیوە، مەبارەکبایی وەنەو موسڵماناو کوردستانی و گەلا مکەرمێ.
ھومێد مکەرمێ گەلێ بێمافێ و مافزەوتکریێ و چەوسیێوێ، کۆشیای پەی ئازادی و دیموکراتی و پێوەژیوای فراوانتەر بکەرا، دژوو ئەرەگیرکەری و زاڵمی تاڵانکەری و ستەمکاراو سەردەم، کە ڕۆو ئارۆینە، بە چەکی قەدەغەکریا و زھنیەتی نەتەوەگەرایی و ئاینگەراییوە، خاک و نیشتمانوو ئیێمە بۆردومان و سوتماک مکەرا.
گەلوو ئێمە سەدان ساڵێن، پەی ئازادی و دادپەروەری و ژیوای ئازادی قوربانیی مدۆ، بە ھەزاران ڕۆڵێش چی ڕێنە کەردێنێ قوربانی.
یادەوەریی جەژنێنە، پێسەو وەفاداریێوی پێویسا سەرێ قەبرەو گەشمەردا بدەیمێ و بنەیانەکاشا کەرمێوە سەر و پەشتگیریی وەنەو یانە گەشمەردا و زیندانییاو دۆزوو ئازادیی بکەرمێ، چونکوم ئادێ ژیوای و گیانوو وێشا بەخشا پەی خاکی و بییەی و ڕاسی و دادپەروەری و ئازادیی و جەژنەو قوربانی هینەو ئادیشانە.
مەبارەکبایی جەژنەو قوربانی وەنەو سەرجەموو گەشمەرداو ڕاو ئازادی و تەماموو گەلوو کوردستانی مکەرمێ و هومێد موازمێ چی جەژنێنە گیانوو ھامکاری و ئاشتەوایی قەوەتتەر بۆ و کوردستان ئاوەدان و ئازاد بۆ.".
