جە گلېرۆبیەکەو جۆلەمێرگینە، تولای حاتیمۆغلاریە، هامسەرۆکەو گرڎینەو دەم پارتی قسېش کەردۍ و ئەرەیاۋناش، پێویسا قەیومەکۍ دەموودەس کیشیاوە و واتش: "ئینە کودەتېوە سیاسییا. ئێمە چنی گەلەکەیما شارەوانییەکاما پارېزنمۍ."
بە دەیان هەزار کەسۍ شارو جۆلەمێرگینە دژوو دەسسەرەرەگېرتەی شارەوانی شارەکەی ئارۆ گلېرۊبیەیۍ جەماوەریشا بەرد ڕاوە.
هامسەرۆکەو گرڎینەو دەم پارتی، تولای حاتیمۆغلاریە، جە گلېرۊبیەکەینە دژوو دەسسەرەرەگېرتەی ئیرادەو گەلی قسێش کەردۍ و ئەرەیاۋناش، جە یووەم ڕۊوە دژوو نیایرەو قەیومەکا مدرامان مکەرمۍ و واتش: "جە ڕۊی یووەمۆ تا ئیساتۍ، ئێمە دژوو قەیومەکا و ۋەرا ۋەر پانیشا کە ئیرادەما دزانۍ مدرامان مکەرمۍ. ئێمە ڕووبەڕوو نایاسایی ئەنقەرەی بیمېوە. ئەردۆغان ۋېش دڎانش پۊرە منیۆ، واتیچش، ئینە یاسایی نییا، ئێمە یاساما جابەجێ کەردەن. گەلەکەما مدرامان مکەرۆ. گەل بە ئیرادەو ۋېشۆ ۋەرا ۋەر بە قەیومەکا مردۆوە. گەل ئی کودەتا سیاسییۍ قبوڵ نمەکەرۆ."
جە میانوو قسەکاشەنە حاتیمۆغلاریە ئاماژەش پانەیچ کەرد، پێویسا دەموودەس قەیومی ئەرەنریا جە پۆستەکەیشەنە کیشیۆوە چونکی ئێگە شۊنماو کودەتاچیا نییەنە. با قەیوم ۋێشا دەموودەس ئەرکەکەیشا جیابازا. ئێمە بە پەشتیوانی و مدرامانوو گەلەکەیما سەرۍ گنمۍ. بژیۋۆ مدرامانوو ئێمە."
