جە چوارچێوەو قۆناغەو دووەمو هەڵمەتەو 'ئازادی پەی عەبدوڵا ئۆجالانی، چارەسەری سیاسی پەی پرسو کوردی'نە ١٦و تشرینو دووەمی جە کۆڵن ڕاپیمای و گلێرۆبیەیۍ ئەنجام مڎریۆ. ئاماڎەکاریەکۍ پەی چالاکییەکەی دەسشاپنەکەرڎەن.
ئاماڎەکارییە تەکنیکیکیەکۍ پەی ڕاپیما و گلێرۆبیەو ١٦و تشرینو دووەمی جە شارو کۆڵن و ئەڵمانیاینە جە مېیانو جەمەو دیموکراتیکی کوردینە جە کۆڵن دەسش پنەکەرڎەن.
چڼین کەس و نوێنەرۍ لایەنە سیاسی و ڕێکوزیایەکا کە هامسەرۆکاو جەمەو دیموکراتیکی کوردی جە ئەڵمانیانە، زوبەیدە زومروتە و ئەنگین سەڤەریچش چنەنۍ، پەی بەشداریۍ قەوەتو گەلی جە ڕاپیماکەینە جە مېیانو جەمەو دیموکراتیکینە خجڵۍ ئاماڎەکەردەی ئاڵا و پەنەوازیەکا تەرینۍ پەی چالاکیەکەی. هەرپاسە بە مەرامو بەشداری قەوەتو گەلی جە چالاکیەکەنە نویسیۍ ئاماڎۍ مکریا و وەڵۍ مکریاوە.
جە بارەو چالاکیەکەیۆ هامسەرۆکۆو کەجەدەکە-ئەی زوبەیدە زومروتە باسش چانەی کەرڎ کە ماوێوە فرەن خجڵۍ ئاماڎەکارینۍ و ئاماژەش پانەی دا کە گرڎو ئەنداما ئەنجومەنو کۆڵنی ئینۍ کۆششەنە و واتش: "چنی ئەرەمەرزیاکاما جە ئەڵمانیا ژەنی و جوانۍ ئاماڎەکارییە تەکنیکیەکا مکەرا. مشۆم دمایی بە گۆشەگیری بارمێنە و ڕابەر ئاپۆی ئازاڎ بکەرمۍ."
هەر جە بارەو ئاماڎەکارییەکاوە هامسەرۆکو کەجەدەکە-ئەی ئەگین سەڤەر دەسنیشانش کەرڎ کە ماوەو مانگێوەن ئینۍ ئاماڎەکارینە و جە گرڎ ڕووێوە پەی ئازادی ڕابەر ئاپۆی هەرمانەی ۋەرفراوانە مکریۆ.
