ئەنداموو کۊمیتەو مېیانی پەکەکەی جەمال شەریک ئەرەیاۋناش، کە مڎرامانو مانگەو حوزێرانی عیلاقەی ڕاسەوخۆش بە مڎرامانو ئیمراڵییوە هەن و واتش، "ۋەرو ئانەی ۋێڕاگری ڕابەر ئاپۆی جە ئیمراڵینە فاڕیان پەی ۋېڕاگریېوە مېیاننەتەوەیی".
ئەنداموو کۊمیتەو مېیانی پەکەکەی جەمال شەریک جە دیڎارێوەنە چنی ئاژانسوو هەواڵوو فورات نیوزی هۊرسەنگنایش پەی مدرامانوو کۆمەڵایەتی مانگەو حوزەیرانی و عیلاقەو ئا ۋېڕاگریەیە چنی مڎرامانوو رابەروو گەلوو کوردی عەبدوڵا ئۆجالانی جە ئیمراڵینە کەرد.
جە سەرەتاو قسەکاشەنە سڵامش ۋنەو رابەروو گەلوو کوردی عەبدوڵا ئۆجالانی کەرڎ و ئانەش وست ڕووە کە ئۆجالان بە مڎرامانی تاریخی جە ئیمراڵینە ڕاش نیشانەو چېردەسا، ستەم ۋنەکریایا و ۋېڕاگرا نیشانەدا.
جەمال شەریک باسش چانەی کەرد کە مانگەو حوزەیرانی مانگەو مڎرامانینە و ئەرەیاۋناش، کە چی مانگێنە هاموەخت چنی شەهادەتی گەورەی مڎرامانی گەورێچ ئامۍ ئاراوە و مڎرامانەکۍ تا دما ڕۆ مۆرەو ۋێشا جە مانگەو حوزەیرانی دان.
شەریک ئاردشۆ وە یاڎ کە جە مانگەو حوزەیرانینە چالاکیۍ جەماوەریۍ کریێنۍ و واتش، "چالاکی جەماوەری گەورەو رەنجدەرا، شۆڕشگێڵنا، دیموکرات و سۆسیالیستەکا ئەنجام دریێنۍ. جە سەروو ۋێنیشاندایۆ هەڵمەتەی شۆڕشگێڵنیە و چالاکی سەرمەشقاو ئەرەکۊشای ئەنجامدریان. چێگەنە ئانەی مەتڵەبما ئاماژەش پنە بکەروو مڎرامانی گەورەو کرێکاران جە ٥-١٦ حوزەیرانینە. حەرپاسە مڎرامانوو پارکوو گەزی جە ٢٨و ئایارو ٢٠١٣ ینە دەسش پنەکەرد و جە مانگەو حوزەیرانینە بەردەوامبۍ.
جەمال شەریک دەسنیشانش کەرد کە ئەنجامەکۍ مڎرامانی تاریخی رابەروو گەلوو کوردی عەبدوڵا ئۆجالانی جە ئیمراڵی و مدرامانوو مانگەو حوزەیرانی یۊترینی تەمام مکەرا و واتش، "ۋەروو ئانەی مڎرامانوو رابەر ئاپۆی جە هەمان وەختەنە ۋێنا و نوێنەرایەتی بەرزتەرین ئاستوو مڎرامانوو مانگەو حوزەیرانیا. خاوەندارین چانەی، جە هەمان وەختەنە نوێنەرایەتی گەشمەرڎەبیەکان جە مانگەو حوزەیرانینە، ماناڎارتەرین جوابا پەی یاڎوو ئاڎیشا.
ئەرک و ۋەرپرسیاری گردیمانە کە مدرامانە شکۆمەندانەکا مانگەو حوزەیرانی جە یەکانگیریېوە پا جۊرەنە هۊرسەنگنمۍ و خاوەنداریش ۋنە بکەرمۍ".
جەمال شەریک ئاماژەش پانەیچ کەرد کە مڎرامان، جموجۆڵی کۆمەڵایەتی، ئەرەکۊشای کۆمەڵایەتی باس جە پرۆسېوە ۋۍ یاۋنای و ئامێتەبیەی چنی ئامانجەکا ئا ئەرەکۊشایە مکەرا و ئەرەیاۋناش، کە مڎرامانوو گەزی و قۆناغەو ١٥-١٦و حوزەیرانی خاوەنوو ئا مەعنێنۍ.
شەریک واتش، "جە قۆناغێوە پی جۆرەنە بێگومان مشۊم ئی مڎرامانە بە شێوێوە راس پێناسە بکریۆ و خاوەنداریش ۋنە بکریۆ. مشۊم بزانیۆ ئینە پەی گەلاو کورڎەسانی و تورکیای بە چ مەعنېوەن و بە پاو ئانەی خاوەنداریش ۋنە بکریۆ. ئینە چی قۆناغېنە گرنگتەرین پێویسیا. ۋەروو ئانەی رژێموو جەنگی تایبەتی نەک هەر تەنیا هجووم مکەرۆ سەرو دیموکراتی، سۆسیالیستی یاخوڎ سەرمەشقەکا کۊشیای، بەڵکم هجووم مکەرۆ سەرو تەماموو گلېرگەی.
پەیوەندی بەینوو مدرامانی کۆمەڵایەتی و مدرامانوو ئیمراڵی نمەتاویۆ جە یۆی بڕنیۆرە
کۆشیای وەراوەر پانەیچە کۆشیای گەلاو کوردستانی و تورکیایا دژوو ڕژێمی جەنگی تایبەتی. خاڵەی بنەڕەتییە کە مشۆم چێ بوینیۆ ئینێنە. مشۆم پەیوەندیی ڕاستەوخۆو ئینەیە چەنی مدرامانوو ڕابەرایەتی ئیمراڵیینە بوینیۆ. ئەگەر ئێمە نەتاومێ پەیوەندیی مدرامانوو ڕابەر ئاپۆی ئیمراڵیینە چەنی مدرامانی کۆمەڵایەتی بنیەیمێرە، ئا وەخت ئەنجامی وازیا چا مدرامانانە بەدەس نمەیانە. سەردەمێوەنە ڕووشا دان و کاریگەرییەکەش تەنیا سەروو ئا سەردەمەیوە هەن. نەفاڕیانوە پەی سەردەمەکای تەری. بەڵام مدرامانوو پارکوو گەزی سەردەمێوەنە، کە مدرامان ئیمراڵیینە بێ ڕووەش دا. سەردەمێوەنە کە کوردستانەنە کۆشیایی کۆمەڵایەتی یاوابێ ئاستێوە کە ڕووەش دا. گوزارشت بێ جە حەقیقەتێوی چانەیە. ئیساتێچ مدرامان ئیمراڵیینە پارێزگاری چا تایبەتمەندییە مکەرۆ و بەرزتەرین ئاستەنە ئا مدرامانەیە وێنا مکەرۆ. وەروو ئانەیە مدرامانوو ڕابەر ئاپۆی ئیمراڵی فاڕییان پەی مدرامانێوی میاننەتەوەیی. کۆشیایێو کە ئازادیی ڕابەر ئاپۆی، چارەسەروو پەرسەو کوردی پەی وێش بە بنەما مگێرۆ. ئەو کۆشیایە پەی چارەسەروو پەرسەو کوردی و ئازادیی ڕێبەر ئاپۆی هەمان کاتەنە بییەن بە مدرامانوو گەلاو جیهانی، دیموکراتە شۆڕشگێڵنەکێ و سۆسیالیستەکێ پەشتیوانییش وەنە مکەرا و خاوەندارییش وەنە مکەرانە. دلێو هەقیقەتێوی چینەو مدرامانینە خاوەنداریی وەنەو مدرامانوو گەزی تەنیا بە وێناکەردەی دروسی میاننەتەوەییبییەی مدرامانی مبۆنە، ئینەیچە بە کۆشیایی هەقەتینوو گەلاو تورکیای و کوردستانی بۆ.
کوردستانەنە ئاستێوی خاوەنداری هەن، تورکیانە دلێ هێزە دیموکراتیک و شۆڕشگێڵنەکانە خاوەنداریی هەن. بەڵام ئا خاوەندارییە ئانەیچە مویەرنۆ. پێسە چەنی کۆشیایی کۆمەڵایەتیی گەلا یۆ مگێرانە، چێگەیچ خاوەنداری وەنەو ڕابەر ئاپۆی هەمان ماناش هەنە. پەوکاتەی بە یاواینەیە مبۆنە هەوڵەکێ بوزیانێ هەرمانە. ئەگەر ئانە بکریۆ و بیاویۆ یاگێ، ئا وەخت خاوەنداریی وەنەو مدرامانوو گەلا پا ڕاددە میاویۆ یاگێ".
جەمال شەریک یادش وستۆ، کە پیلانگێڵنیی میاننەتەوەیی دژوو ڕابەروو گەلوو کوردی عەبدوڵا ئۆجالانی کریان و واتش، "پەوکای پەیوەندیی بەینوو مدرامانوو ڕابەر ئاپۆی و مدرامانوو گەزی مشۆم بەدروسی وربسەنگنیۆ. هەرپاسە پەیوەندیی بەینوو جمیەرە کۆمەڵایەتییەکا کوردستانەنە، ئەرەپڕایە جەماوەرییەکان و مدرامانوو ڕابەر ئاپۆی بەدروسی وربسەنگنیۆ. ئەگەر ئانە بەدروسی ورنەسەنگنیۆ، پەیوەندیی دروس ساز نەکریۆ، ئا وەخت ئا مدرامانە تەنیا بە سنووروو وێشۆ ورمسەنگنیۆ. وەروو ئانەیچە تەنیا کاریگەرییش سەروو سەردەموو وێشۆ هەن، نمەتاوۆنە بپڕۆوە پەی سەردەمەکای تەری.
ئەو مدرامانێ بیێنێ مکوو تارێخی، کاریگەریی گەورەشا سەروو سەردەموو وێشاو نیانرە وەڵیوەلوای گەورەشا خوڵقنان و مشۆم بەردەوام درێژەشا پەنە بدریۆ. ئینەیچە بە خاوەنداری چا مدرامانا مسۆگەر مبۆنە. پەی خاوەندارییچ مشۆم بزانییۆ کە ڕێخەکەش چێشا، پەیوەندییەکێش کامێنێ. چینەیچەنە تووشوو مدرامانوو ڕابەر ئاپۆی بیمێ. ڕابەر ئاپۆ ئاستێوەنە کە بۆ بە نموونەیی تەماموو ئینسانینە وێگێری مکەرۆ. دلێ هەلومەرجوو گۆشەگیریینە. گرد ڕوێ و هەڕەشێ سەروو ژیوایش هەنێ. بەڵام ئانێ لای سەریی هجوومی جەستەییوە ماناشا هەنە. ڕابەر ئاپۆ بە ئەندێشە،دیای وێش کاریگەرییش سەروو تەماموو ئینسانوو جیهانیوە منیۆرە.
ئێمە مشۆم مدرامانوو ئیمراڵی بە شێوەی دروس وێنا بکەرمێ
پەوکای ئەرەبڕیای و گۆشەگیری سەروو ڕابەر ئاپۆی هەمان وەختەنە هجوومێوا پەی سەروو تەماموو ئینسانیەتی. پێسە چەنی پیلانگێڵنیی میاننەتەوەیی جە کەسایەتیی ڕابەر ئاپۆینە بەرجەستە بی، گەرەکشابێ سەروو بنەماو ئانەیوە بڕێو ئەنجامێ بەدەس بارانێ. مدرامانوو ڕابەر ئاپۆیچ بە ماناو وەرگێریی ئانەیەنە. ئینەیچە خاوەنداریی شۆنەو وێشەرە مارۆ. بەڵام خاوەنداریی چانەیە بە وێناکەردەی و نوێنەرایەتیی ڕاسیی ئا مدرامانەیە بۆ. پەی گرد کەسی بییەن بە هەرمانە و وەرپەرسیێوی کە پا یاواینەیوە جووڵیاوە و خاوەنداریی چا مدرامانەیە بکەرا. ئەگەر خاوەنداریی جا هەرمانێ نەکریۆ، خاوەنداری جە مدرامانیچ نمەکریۆ. ڕەنگە یادش بکریۆوە، ڕەنگای پێسەو ڕووەداێوی جە سەردەمێوی تارێخینە بوینیۆ، بەڵام چانەیە زیاتەر نمەترازیۆنە. بەڵام وەخت وەختوو ئانەینە کە خاستەر بلۆ وەڵێوە. ئانەیچە بە وێناکەردەی و پارێزنای ئا تایبەتمەندییاو مدرامانی مسۆگەر مبۆنە. ئەوەڵیچۆ مدرامانوو ڕابەر ئاپۆی هەن.
ئیساتێ ئاستی میاننەتەوەیینە خاوەنداریی وەنەو مدرامانوو ڕابەر ئاپۆی مکریۆ. ئینە فاڕیان پەی خاوەنداریی میاننەتەوەیی. دلێ ئی مدرامانە میاننەتەوەییەینە هەڵمەتەو ئازادیی پەی ڕابەرایەتی و چارەسەروو پەرسەو کوردی مکریۆنە. ئینە گرنگتەرین هەڵمەتەنە کە جە ئاستی میاننەتەوەیینە خاوەندارییش وەنە مکریۆ، ئینەیچە ئاستی میاننەتەوەیینە ساعیبوو کاریگەریێوی گەورەیا. ئا کاریگەرییە هەر بەتەنیا بە ئازادی ڕابەرایەتی و چارەسەروو پەرسەو کوردی سنوردار نمەبۆنە. دەرفەتوو ئانەیە بە هێزە دیموکراسییە شۆڕشگێڵنەکا و هێزە دژبەرەکاو سیستمی سەروو ئاستی میاننەتەوەیی مبەخشۆ، کە گوزارشت جە وێشا بکەرا، وێشا ڕێک بوزانێ و ئاستێوی وەرفراوانەنە بانێ بە ساعیبوو کاریگەری. وەروو ئینەیچە هەنگامە بەرەو وەڵێ منیۆ."
جەمال شەریک واتش، کە پێسە چەنی مدرامانوو پارکی گەزی هێزوو کاریگەرییش زیاتەر کەردەن، مدرامانوو ڕابەروو گەلوو کوردی عەبدوڵا ئۆجالانیچ بە هەمان شێوە دەرفەت بە شۆڕشگێڵنا و دیموکراسیوازاو تورکیای مبەخشۆ، کە هێزوو کۆشیایشا قەوەت بکەرا و واتش، " ئینە هەمان کاتەنە بە ماناو دەسپەنەکەردەی هەڵمەتێوی گرنگەنە پەی ڕزگاریی هامبەشوو گەلاو کوردستانی و تورکیای. هەمان وەختەنە شۆڕشگێڵنێ، دیموکرات و هێزە شۆڕشگێڵنەکاو تورکیای خاوەنداری وەنەو هەڵمەتەو 'ئازادیی پەی ڕابەر ئاپۆی، چارەسەری پەی پەرسەو کوردی' بکەرا."
