فەرماندەیی گرڏی هێزەکاو ئاسایشو دلینەی بە ئەرەیاونێوە نویسریا گەشمەرڏە بییەو ئەندامێوەش بە نامێ رێزان سڵێمانێ ئەرەیاونا و ئاماژەش پانەیە کەرد گەشمەرڏە سلێمان کاتو هەوڵدایش پەی هێورکەردەیۆ گرژی دۆخێوە نەوازیا و بە مەڵامەتوو تەقەکەردێوە خەڵەتۆ گەشمەرڏە بییەن.

جە درێژەو ئەرەیاوناکەو فەرمانداری ئامان:

"ڕۆو ١٨/٢/٢٠٢٥ ئەندامێوەما جە شارو تربەسپینە کاتو ویەرناو ئەرکێوە نەتەوەیینە گەشمەرڏە بیی. شەهید ڕێزان کاتێ چنی ئەنداما دەوریش هەوڵدێنێ دۆخەکەی  کۆنترۆڵ بکەرا و دلێ دادگاینە گرڏ کەسێوە جە ‌‌هرووژمی پارێزنا، جە ئەنجامو تەقەکەردێوە خەڵەتینە گەشمەرڏە بیی. ڕووەداکەی دماو دمای ئامای دادگایکەردەی تۆمەتبارێوە ڕووەشدا کە جە مانگو تشرینو دووەمو ٢٠٢٤نە زاڕۆڵێوەش کوشتەبێ و چا کاتەنە یۆ جە کەسوکارو زاڕۆڵە کوشیاکەی تەقەش جە تۆمەتبارەکەی کەرد. کاتێک هەوڵدریا دۆخەکەی کۆنتڕۆڵ کەرانە و ئاسایش دابین بکەرا، گەشمەرڏە ڕێزان بە خەڵەت فیشەکێوەش وەرکەوتوو و گەشمەرڏە بی.

پێسەو فەرماندەی گرڏی هێزەکا ئاسایشو دلینەی سەرەوەشی جە بنەیانە و قۆما گەشمەرڏەی مکەرمێ و قەولمڏەیمێ بە شێوێوە یاسایی و دادپەروەرانە ونە پەرسایۆ جە تاوانباری کەرمێنە".