یەنەکە: پەدەکە نمازۆ پارێزگارێوە کورد پەی کەرکوکی بنریۆرە
ئەندامێوە مەکتەب سیاسی یەنەکەی ئەرەیاۋناش پەدەکە نمازۆ پارێزگارێوە کورد پەی کەرکوکی بنریۆرە و گەلوو کەرکوکی بۆنەو ئی هەڵوێسەیۆ زەرەرش پنە میاوۆ.
ئەنڎاموو مەکتەب سیاسی یەنەکەی، شاڵاو عەلی عەسکەری سەبارەت بە هەڵوێسوو یەنەکەی و پەدەکەی دەربارەو پارێزگاروو کەرکوکی قسێش کەردۍ.
شاڵاو عەلی عەسکەری ئەرەیاۋناش پارتەکۍ کوردسانی خیانەتشا جە گەلوو کوردی کەردەن و واتش: "ئەگەر بە لیستێوە هامبەش بلانە دلۍ هۊرچنیەکاوە، ئا وەختە کورد فرەیی کورسیەکا بەرێوە. ۋەروو ئانەی پەدەکە پارێزگارێوە کورد و یۆبیەی نیشتیمانی قبووڵ مەکەرۆ، پارێزگارێوە عەرەب ئینا سەروو کاریۆ. خەڵکوو کەرکوکی چی ئاژەیە زەرەرمەنڎۍ با".
حەرپاسە واتش ئیتر یەنەکە مەرج و داواکا پەدەکەی قبووڵ مەکەرۆ.
جە هۊرچنیەکا ئەنجوومەنوو پارێزگاو کەرکوکینە کورد بە گرڎیی ٧ کورسیێش بەدەسئاوردۍ. ۋەروو ئانەی یەنەکە و پەدەکە سەروو کاندیدێوە کوردی پەی پارێزگاری ڕێکۍ نەکەوتێنۍ، هەڵای کەس پەی پارێزگاروو کەرکوکی دەسنیشان نەکریان.
