٣ بارمتۍ ئیسرائیلیۍ بە نامەکا ڕۆمی گۆنینۍ و ئیمیلی دەماریۍ و دۆرۆن ستێنبرێچەرۍ کە زیاتەر جە ١٥ مانگا چێرو دەسا حەماسینە بێنۍ، ئارۆ ئازاڎۍ کریۍ. چەمەڕا مکریۆ ئیسرائیل جە چن سەعاتی ئایندەنە نزیکەو ٩٠ زینانیا فەڵەستینی ئازاڎۍ بکەرۆ.
٣ بارمتۍ ئیسرائیلیۍ ڕۆمی گۆنینە (٢٤ ساڵ)ە و ئیمیلی دەماریە (٢٨ ساڵ)ە و دۆرۆن ستێنبرێچەرە (٣١ ساڵ)ە ئازاڎۍ کریۍ.
یەرۍ بارمتۍ کە جە هرووژمو ٧ و ئۊکتۊبەرو ٢٠٢٣ ینە بڕفانیێبێنۍ، ڕادەسۍ شاندو خاچی سووری جە غەززەنە کریۍ و فاڕیێوە پەی ئیسرائیلی.
دماو وشکنای پزیشکی بارمتەکۍ بە کەسوکاریشا شاڎۍ بیێوە.
جە ۋەرا ۋەرو ئازاڎ کەردەیشانە، پەنەوازا ئیسرائیل نزیکەو ٩٠ زینانیا فەڵەستینی ئازاڎۍ بکەرۆ.
