ئەرەگیرکەرێ ئی جارە خیزانەنە دەسشا بە ئۆپراسیۆنی سەروازی کەرد
دەوڵەتی تورکی ئەرەگیرکەر جە چندین دەگایاو مەنتێقەو خیزانوو بەدلیسینە دەسش بە ئۆپراسیۆنی وەرفراوانی سەروازیی کەرد.
زانییا، کە دەوڵەتوو تورکی دەگایەکاو ئاکونس، گۆڤان، لانیلان، خولەپور، کەکولان، سوراح، پەرتاوان، مەزرا پسیان، گەلوو نەمرانی، دەستا ئۆڤی، دەشتەو کاڤلتینی و حوزەرانوو خیزانوو بەدلیسینە، چندین یاگای تەرینە ئۆپراسیۆنی سەروازییشا دەس پەنە کەردەن.
بە پاو زانیارییەکا بە سەدان سەروازێ و جەردەوانێ بەشدارییشا ئۆپراسیۆنەکەنە کەردەن و چا یاگانە جموجووڵی عاسمانی زیادش کەردەن، هەمان وەختەنە هەلیکۆپتەر چندین جارێ دارستانەکێش بۆردومانێ کەردێنێ.
سەرچەمە هەرێمییەکێ وستەنشا ڕووە کە دەگاو حوزەرانی تەوقە دریێنە و هاموشۆو دەگێکێ بە کۆنترۆڵکەردەی شناسنامەی مکریۆ.
ئۆپراسیۆنەکە چا یاگانە بەردەواما.
