دووەمینو یەرەمین ڕۆو فیستیڤاڵو چاندی کوردی  جە پاریسوو پایتەختو فەرەنساینە جە ناوەندو چاندی ئەحمەد کایای بە قاوەڵتیێوە دەسش پنە کەرد. دماتەر سەرو پێکئامای گلێرگەو-چاندو کوردا کرماشانی پانێڵێوە پێشکەشکریا.

جە کوردا کرماشانی د. تەبیبە ڕەزاییە سەبارەت بە چاند و کەلەپوورو وەرکەوتو کوردسانی قسێش کەردێ.

ڕەزاییە سەبارەت بە میراتو مۆسیقاو کرماشانی واتش: "ڕادیۆو کرماشانی  جە ساڵەکا شەسیو حەفتاکاوە ڕۆڵێوە گرنگشا بیەن جە گەشەپەنەدای و فاڕایۆ چاندو کوردا ئێرانی".

حەرپاسە واتش ئێمە قەرزارێ هونەرمەندا پێسەو حەسەن زیرەکینمێ و ئا بەرهەمێ لاو گەلو ئێرانیۆ بە فرەی مشناسیا.

حەرپاسە جە ناوەندو چاندو ئەحمەد کایەیۆ سەبارەت بە گرووپ و زوانو هیندۆ ئەوروپییەکا و شێوازارە کوردییەکا نمایشگایەوە کریاوە.

دماتەر نمایشگایەوە خاڵ‌کوای  کریاوە و هونەرمەندا تەڤ چاندی بەرهەمی کوردیشا پێشکەش کەرد.

ڕۆو دووەمو فیستیڤاڵەکەی بە هۆرپڕای دمایش ئاما.