ئیستەنبوڵنە دژوو دەس سەرەرەگېرتەی ئیرادەی چالاکی کریا: بە مدرامان سەرۍ گنمۍ
دژوو زەوتکەردەی و دەس سەرەرەگېرتەی شارەوانی جۆلەمێرگی، جە چەکمەکۆو ئیستەنبوڵینە ڕاپیمایۍ کریا.
دژوو زەوتکەردەی شارەوانی جۆلەمێرگی، ئیستەنبوڵنە چالاکی شەرمەزارکەردەی بەردەواما. چا چوارچێوەنە جە مەنتیقەو چەکمەکۆینە ڕاپیمایۍ کریا. جە ڕاپیماکەینە دروشمەکاو "ۋېڕاگری بکەرە جۆلەمێرگ، ئیستەنبوڵ ئینا پەشتیتۆ"، "نا پەی زەوتکەردەی"، و "ئێمە بە مدرامان سەرۍ گنمۍ" وچیېوە.
جە ڕاپیماکەینە ئانە وزیا ڕووە کە ئاڎۍ دەس سەرەرەگېرتەی شارەوانی جۆلەمێرگی قبوڵ مەکەرا و واتشا: "ئێمە ئا زەوتکەردەیە قبوڵ مەکەرمۍ. تائێمە شارەوانی هۊرگېرمېوە، جە مېڎانوو جاڎەکانە بیمۍ. ئێمە مەمردمۍ و ئێمە بە مدرامان سەرۍ گنمۍ".
