ئاماروو قوربانییەکا کەرتوو غەززەی ڕۆ بە ڕۆ بەرەو زیاتەر ملۆ. وەزارەتوو تەندروسیی حەماسی ئەرەیاوناش، کە ئەوەڵوو جەنگو سەروو کەرتوو غەززەیوە تا ئیساتێ ژمارەو کوشیایا یاوان ٣٧ هەزارێ و ٣٤٧ کەسێ. بە پاو ئەرەیاونایەکەی ماوەو ٢٤ سەعاتی ویەردەیەنە ١٠ کەسێ بۆنەو هجوومەکاوە مەردێنێ.

هەرپاسە ٧ تشرینوو یوەمیوە، کە جەنگەکە ورگیسیان، زیاتەر جە ٨٥ هەزارا و ٣٧٢ کەسا بریندارێ بیێنێ.

بە پاو ئاماروو نەتەوەیۆگێرتەکا سەدەنە ٧٥و ئەرەنیشتاو کەرتوو غەززەی ئاوارێ بیێنێ و هەڕەشێ  وشکەساڵیچشا ئینا سەرۆ.  

بە قسێ ڕێکوزیای تەندروسیی جیهانی (WHO)، زیاتەر جە ٨ هەزار زارۆڵا واروو هەشت ساڵیوە ڕووەبەڕووێ کێشەو چارەسەرنەکەردەی پزیشکی بیێنێوە.