سەدان ئیمزێ لاو ئەنداماو یۆبییەی ژەناو کوردوو سویسرایوە (یەژەکە-سە) شارەکاو ژنێڤی و لۆزانی و سیۆنوو سویسراینە کوێ کریێوە، ئارۆ کیانیێ پەی بۆ سی پی تی.

ژنێڤ

سەدان ئیمزێ لاو دەسوەڵیوزیو ژەناو سەما یوجەیوە کوێ کریێوە، کیانیێ پەی سی پی تی.

بە نامێ دەسوەڵێوزییەکەیوە توبا یەڵمازە واتش گۆشەگیریی ڕابەروو گەلوو کوردی عەبدوڵا ئۆجالانی قبووڵ نمەکریۆ و بانگەوازش وەنەو لە سی پی تیی کەرد، هەرمانەو وێش بیاونۆ یاگێ.

لۆزان

ئەنداماو مەجلیسوو ژەنا لاژینی وەردەموو پۆستخانەو ڕیپۆنینە جەمێ بیێ و  کۆبوونەوە و نامێشا کیانێ پەی سی پی تی.

بە نامێ مەجلیسەکەیوە ڕوکەن ئازیکە تیشکەش وستە سەروو کەمپەینەکەی و واتش: "زیاتەر جە ٣ ساڵان زانیاریی بارەو ڕابەر ئاپۆیوە نییەن. سی پی تی ناچارا گۆشش وەنەو گەلوو کوردی بۆ و هەرمانەو وێش بیاونۆ یاگێ ".

دمایی نامە ئیمازکریێکێ سیاسەتمەدار و هونەرمەند و کەسە نامییەکا پەی سی پی تیی کیانیێ.

سیۆن

ئەنداماو دەسوەڵێوزییو ژەناو کانتۆنوو ڤالایسی وەردەموو پۆستەخانەو ناوەندی سیۆنوو پایتەختینە جەمێ بیێوە، نوردان ئاتەشە تیشکەش وستە سەروو کەمپەینوو ١٠ تشرینوو یوەموو ٢٠٢٣ و واتش: "چوارچوەو کەمپەینوو "ئازادیی پەی عەبدوڵا ئۆجالانی، چارەسەر پەی پەرسەو کوردی" تەماموو جیهانینە و بەتایبەت ئەورووپانە، کەمپەینوو کیانای ناما پەی سی پی تی دەسش پەنە کەرد. جە دووەم قۆناغوو ئی هەڵمەتێنە، نامێ ئیمزاکریێ کیانمێ، تا سی پی تی هەرمانەو وێش بکەرۆ".

دمایی نامەئیمزاکریایەکا پەی سی پی تی کیانیێ.

ئەنداماو یەژەکە-سەی سەبای زوریخنە، ٢١و  حوزەیرانی ئاراونە، ٢٢ حوزەیرانی بازلنە، نامێ پەی سی پی تی مکیانانە.