ئەم بەیانییە لە ناوچەى مارماریسی پارێزگای موغڵا بە چەک هێرشکرایە بارەگای هەدەپە.

هێرشکارەکە کەسێکە بە ناوی ئە.ت.د و تەمەنی ٢٨ ساڵە و دەستگیرکراوە و دەست بەسەر چەکەکەیدا گیراوە.

بەپێی زانیارییەکان هەر ئەو کەسە لە ساڵی ٢٠١٨ دا جارێکیتر بە چەک هێرشی کردبووە سەربارەگای هەدەپە لەو ناوچەیەدا و شوشەکانی بارەگاکەى شکاندبوو و بە تاوانی "زیان گەیاندن بە ماڵ" لێکۆڵینەوەى لەگەڵ کرابوو.

زۆربەى هێرشبەرەکان بۆ سەر هەدەپە و چالاکوانان و کەسایەتی و هاووڵاتییانی کورد لە دوای ماوەیەک لە بە ناو دەستگیرکردنیان  لەلایەن پۆلیس و دەوڵەتی تورکەوە پارێزگارییان لێدەکرێت و بە بڕیاری دادگا ئازاد دەکرێن و هەندێکیان دیسانەوە دەست دەکەنەوە بە هێرشەکانیان.

ئەوە لە کاتێکدایە لە ١٦ی حوزەیرانی ٢٠٢١ و کەمتر لە مانگێک لەوە پێش چەکدارێک ھێرشی کردە سەر بارەگای هەدەپە لە ئیزمیر و دەنیز پۆیرازی لە ناو بارەگاکەدا شەهید کرد.

ئە چەکدارە لە سوریا لەگەڵ گروپە چەتە تیرۆریستییەکانی سەر بە دەوڵەتی تورک راهێنانی پێکرابوو و وێنەکانی لەگەڵ سولەیمان سویلۆ وەزیری ناوخۆی دەڵەتی تورک، لەگەڵ هاکان فیدان سەرۆکی دەزگای سیخوڕیی دەوڵەتی تورک (میت) و لەگەڵ خولوسی ئاکار  وەزیری بەرگریی دەوڵەتی تورک بڵاوکرایەوە و کەسێک بوو پەیوەندیی لەگەڵ بەرپرسە سیخوڕ و فاشیست و سەربازییەکانی دەوڵەتی تورکدا هەبوو.

ژ.ت