دەوڵەت باخچەلی پەیوەست بە بانگەوازییە مێژوویەکی ڕێبەر ئاپۆ لێداونی نوێی دا، باخچەلی داوای لە پەکەکە کرد خۆی هەڵوەشێنێتەوە و گوتی: "دەبێت بە گۆڕانکاری و ڕیفۆرمی نوێوە لەسەر بنەمایی دادپەروەری و یەکسانی، یەکێتی میللیمان بەهێز بکەین."
دەوڵەت باخچەلی سەرۆکی مەهەپە لە چاوپێکەوتنێکیدا لەگەڵ ڕۆژنامەی تورکگون پاش بانگەوازییەکەی ٢٧ی شوباتی ڕێبەر ئاپۆ، وتی: "گەل چاوەڕێی هیوایە" و ڕایگەیاند:
"دەتوانین ئەم چاوەڕوانییە لە جیاتی نائومێدی بکەین بە خۆشی. تورکیایەکی بێ تیرۆر دەبێتە تورکیایەکی دیموکراتیک. لە سەردەمێکدا کە سیستەمی نوێی جیهان لە ئارادایە دەتوانرێت ئەم گۆڕانکارییانە وەک دەرفەتێک بۆ تورکیا بەکار بهێنین."
باخچەلی ئاماژەی بەوەشداوە کە ئەم پرۆسەیە "خوازیاری ئەوەیە تورکیا ژیانێکی سیاسی و کۆمەڵایەتی نوێ بە ئاشتی بنیات بنێت" و جەختی لەوە کردووتەوە کە گۆڕانکارییە گەورەکان جگە لە دەرفەت، مەترسیش بەدوای خۆیدا دەهێنێت.
باخچەلی ئاماژەی بەوەشداوە: "بەم بۆنەوە پێویستە بەشێک لە دینامیکەکان بە وریاییەوە بەڕێوە ببرێت. سەرەتا وەک لە بانگەوازەکەی ئیمرالی دا هاتووە دەبێت چەک دابنرێت و بڕیاری هەڵوەشاندنەوەی پەکەکە بە هەموو پێکهاتەکانیەوە بە بەستنی خێرای کۆنگرە جێبەجێ بکرێت. یەکێتی ناوخۆییمان دەبێت بە چاکسازیی هەمەلایەنە بەهێز بکرێت و دادپەروەری و یەکسانی ببێتە بنەمایەکی سەرەکی."
باخچەلی بانگەشەی ئەوەی کرد کە "پاشماوەی کودەتاکە بە دەستوورێکی نیشتمانی و گشتگیر بەتەواوەتی دەسڕێتەوە و وتی؛ گرنگ ئەوەیە پێکهاتەیەک دروست بکرێت کە هەمووان لەو بڕوایەدا بن کە خۆیان تێدا دەبینەوە. بۆ ئەم مەبەستە، لە پرۆسەی تورکیای بێ تیرۆردا بانگهێشتی هەموو هاوڵاتییانمان دەکەین بۆ یەکڕیزی نیشتمانی و خوشک و برایەتی، بەبێ جیاوازی هەمووان پێکەوە داهاتوویەکی بەختەوەر بۆ تورکیا بنیات بنێن."
