کوردستانی و دۆستەکانیان دژی هێرشی سەر باکوور و ڕۆژهەڵاتی سوریا لە چەند شارێکی ئەوروپا ڕژانە گۆڕەپانەکان و بانگەواز لە ڕای گشتی کرا شۆڕشی کوردستان بپارێزن و پشتیوانی بکەن.
هێرشی دەوڵەتی تورک و چەتەکانی بۆ سەر ڕۆژئاوا و حەلەب لە چەند شارێکی ئەوروپا شەرمەزار کرا.
لیماسۆل
کوردستانی و دۆستەکانیان لە شاری لیماسۆلی قوبرس ڕێپێوانێکیان ئەنجامدا.
لە ڕێپێوانەکەدا ئاڵای یەپەگە و پۆستەری ڕێبەر ئاپۆ و ئاڵای پەکەکە و هەپەگە هەڵگیرا، درووشمی "بژی بەرخۆدانی ڕۆژئاوا" و "بژی بەرخۆدانی یەپەگە" و "بژی سەرۆک ئاپۆ" و "بژی پەکەکە" و "بژی هەپەگە" بەرزکرایەوە و سەدان بڵاوکراوە دەربارەی هێرشەکانی داگیرکاری بڵاوکرانەوە.
لەبەردەم شارەوانی لیماسۆل پاش خولەکێک ڕێزگرتن بۆ شەهیدان، سیاسەتمەدار لەزگین سەرحەد و نوێنەری پەیەدەی قوبرس یاسین تەربوش قسەیان کرد.ئاماژە بەوە کرا گەلی کورد بێجگە لە هێزی خۆی هیوای بە هیچ دەوڵەتێک نییە و هۆشداری درا تەنها ڕاگەیاندراوی شەڕڤانانی ئازادیی کوردستان و نوێنەرە سیاسییەکانی گەلی کورد بەبنەما بگیرێن.
مالمۆ
کوردستانیان و دۆستەکانیان لەسەر بانگەوازی نەجەدەکە لە شاری مالمۆی سوید کۆبوونەوە. تۆڕی پشتیوانی فەڵەستین و تۆڕی پشتیوانی ئێران و کۆمیتەی ڕۆژئاوا و نوێنەری ڕێکخراوە چەپەکان بەشداربوون.
لەسەر ناوی نەجەدەکە ڕاگەیاندراو خوێنرایەوە، دووپاتکرایەوە ئەم هێرشانەی دەوڵەتی تورک و چەتەکانی بۆ سەر ڕۆژئاوا درێژەپێدەری هێرشەکەی داعشە، بانگەواز لە ڕای گشتی کرا پشتیوانی تێکۆشانی گەلی کورد بکەن و خاوەنداری لە شۆڕشی ژنانی ڕۆژئاوا بکەن.
چالاکییەکە بە بەرزکردنەوەی درووشم کۆتایی هات.
گۆتەبێرگ
کوردستانیان و دۆستەکانیان لە شاری گۆتەبێرگی سوید دژی هێرشەکانی دەوڵەتی تورک و چەتەکانی کۆبوونەوە.
لە چالاکییەکەدا دووپاتکرایەوە، ئەم هێرشە پشتیوانی نێونەتەوەیی هەیە و بانگەوازکرا بۆ پشتیوانی لە ڕۆژئاوا.
چالاکییەکە بە بەرزکردنەوەی درووشم کۆتایی هات.
دارمشتاد
لەشاری دارمشتادی ئەڵمانیا دەیان کوردستانی و دۆستەکانیان لەسەر بانگەوازی مەجلیسی ژنان لەبەردەم وێستگەی شەمەندەفەری ناوەندی کۆبوونەوە و هێرشەکانیان شەرمەزار کرد.
لە گردبوونەوەکەدا هاوسەرۆکی فەجەدەکە_کاوە محەمەد چۆپان قسەی کرد، تیشکی خستەسەر دوژمنایەتی دەوڵەتی تورک بەرامبەر بە گەلی کورد، ڕایگەیاند پێویستە کوردستانیان پشتیوانی لە هێزەکانی یەپەگە و یەپەژە بکەن.
گردبوونەوەکە بە خوێندنەوەی ڕاگەیاندراو بە زمانی ئەڵمانی و درووشمی "خاوەنداری لە ڕۆژئاوا بکە" کۆتایی هات.
هانۆڤەر
لە شاری هانۆڤەری ئەڵمانیا بۆ هەمان مەبەست ڕێپێوان و گردبوونەوەیەک ئەنجامدرا.
لە چالاکییەکەدا داواکرا دەوڵەتی تورک چیتر پشتگیری چەتەکان دژی ڕۆژئاوا نەکات و داوا لە کوردستانیان و دۆستەکانیان کرا گۆڕەپانەکان چۆڵ نەکەن.
چالاکییەکە بە بەرزکردنەوەی درووشم کۆتایی هات.
ستۆکهۆڵم
لە ستۆکهۆڵمی پایتەختی سوید لەسەر بانگەوازی مەجلیسی ژنانی ئامارا و نەجەدەکە چالاکیەک ئەنجامدرا.
کۆمیتەی ڕۆژئاوا و ڕێکخراوە چەپەکانی سوید بەشداربوون و لە چالاکییەکەدا بێ وەستان درووشم بەرزکرایەوە.
ئەندامی مەجلیسی ژنانی ئامارا گرین کاسیرگا ڕایگەیاند دەوڵەتی تورک و چەتەکان دەیانەوێت دەسکەوتەکانی گەلی ڕۆژئاوا لەناوببەن، گوتی: "دوژمنایەتی دەوڵەتی فاشیستی تورک، هیچ سنوورێک ناناسێت".
لەکۆتاییدا جەختکرایەوە چالاکییەکان بۆ پشتیوانی لە ڕۆژئاوا لە سوید بەردەوام دەبن و گوترا: "بانگەواز لە ژن و گەلی کورد و دۆستانی گەلی کورد و مرۆڤایەتی دەکەین، خاوەنداری لە ڕۆژئاوا بکەن".
بەهەمانشێوە لە شارەکانی ئەمستردام و ئارنهایمی چالاکی ناڕەزایەتی ئەنجامدرا.
