هێرشەکانی دەوڵەتی تورک و جەتەکانی بۆ سەر ڕۆژئاوا لە شاری هانۆڤەری ئەڵمانیا شەرمەزار کرا. کوردستانیان و دۆستەکانیان بەشداری چالاکییەکە بوون، چالاکییەکە بە خولەکێک ڕێزگرتن لە شەهیدان دەستی پێ کرد. پاشان چەند وتەیەکی کورد پێشکەش کرا و داوا لە کوردستانیان و دۆستەکانیان کرا شەقامەکان چۆڵ نەکەن.

دیموکراسیخوازان پشتگیریان کرد لە گردبوونەوەکەی دژی ئێران کە لە وێستگەی شەمەندەفەری هانۆڤەر ئەنجامدرا. چالاکوانان لە ناوەندی بازاڕ ڕێپێوانیان کرد و دواتر گەڕانەوە شوێنی خۆیان.

لە ڕێپێوان و گردبوونەوەکەدا درووشمی "بژی بەرخۆدانی گەریلا" و "بژی بەرخۆدانی ڕۆژئاوا" و "بژی بەرخۆدانی یەپەگە/یەپەژە" و "تیرۆریست ئەردۆگان" و "تیرۆریست تورکیا" و "ئەردۆگانی بکوژی منداڵ و ژن" بەرزکرایەوە.