ئەندامانی ئەنجومەنی کورد لە لەندەن لە بەردەم پەرلەمانی بەریتانیاندا لە دژی هێرشەکانی دەوڵەتی تورکی داگیرکەر بە چەکی کیمیایی بۆ سەر ناوچەکانی گەریلا کۆبوونەوە و هێرشە کیمیاییەکانیان ئیدانە کرد.
ئەنجومەنی گەلی کورد و دەستپێشخەریی ژنانی کورد لە بەردەم پەرلەمانی بەریتانیا کۆبوونەوە و بەکارهێنانی چەکی کیمیایی لەلایەن دەوڵەتی تورکی داگیرکەرەوە، ئیدانە کرد.
جەماوەرەی گەل پۆستەری ڕێبەری گەلی کورد عەبدوڵا ئۆجالانیان بەرزکردبووە و هێرشە کیمیاییەکانی دەوڵەتی تورکی داگیرکەریان بۆ سەر ناوچەکانی گەریلا ئیدانە کرد.
لە چالاکییەکەدا بە بەردەوامی دروشمی 'تیرۆریست ئەردۆغان' دەوترایەوە و رایانگەیاند، دەوڵەتی تورک تاوانی دژ بە مرۆڤایەتی ئەنجام دەدات.
"بەریتانیا هاوبەشی تاوانە"
ئەلیف خەیاڵ هاوسەرۆکی ئەنجوومەنی گەلی کورد ڕایگەیاند، دەوڵەتی تورک پێوەرەکانی شەڕ ناناسێت و پێشێلیان دەکات و چەکی کیمیایی دژی گەریلا بەکاردەهێنێت. خەیاڵ راشیگەیاند، ئینگلتەرا بە فرۆشتنی چەک بە دەوڵەتی تورکی داگیرکەر و بێدەنگیی بەرامبەر هێرشەکان خۆی کردووەتە هاوبەشی ئەو تاوانەى دەوڵەتی تورکی داگیرکەر.
خەیاڵ ئەوەشی ڕاگەیاند، ئەو هێرشانە بۆ ئەوە ئەنجام دەدەن، کە ئیرادە و ورەی گەلی کور تێکبشکێنن.
لە چالاکییەکەدا، پەرلەمانتارانی پارتی کرێکار کریس ستیڤنس و لۆید رۆسێل ڕایانگەیاند، دەوڵەتی تورک تاوانی شەڕ و مرۆڤایەتی ئەنجام دەدات.
چالاکییەکە بە وتنەوەى دروشم کۆتایی پێهات.
ژ.ت
