چالاکوانانی بزووتنەوەى گەنجانی شۆڕشگێڕ (تەجەشە / TCŞ) لە بەردەم شارەوانیی مارینیانی فەرەنسا کۆبوونەوە و چالاکییەکیان رێکخست.

چالاکییەکە لە چوارچێوەی هەڵمەتی "کۆتایی بە گۆشەگیری، داگیرکەری و فاشیزم بهێنە، پێکەوە راپەڕین" بەڕێوەچوو.

چالاکوانانی بزووتنەوەى گەنجانی شۆڕشگێڕ لە چالاکییەکەدا رایانگەیاند، عەبدوڵا ئۆجالان رێبەری گەلی کورد، ئیرادەی گەلی کوردە و وتیان، "ئیمەى گەنجانی کورد رایدەگەیەنین، ئەوانەى دەیانەوێت ئیرادەی گەلی کورد بشکێنن، با بڕۆن سەیری لاپەڕەکانی مێژوو بکەن. ئێمە هەرگیز سەرمان دانەنەواندووە و دایشی نانەوێنین. دەبێت هەموو کەس ئەوە بزانێت".

دوای خوێندنەوەى راگەیاندراوەکە، گەنجان بە ناو شارەکەدا دەستیان بە رێپێوان کرد و پۆستەرێکی گەورە، کە لەسەری نووسرابوو  "ئازادی بۆ ئۆجالان" و ئاڵاکانی پەکەکە، یەپەگە، یەپەژە و تەجەشەیان بەرزکردبووە.

ژ.ت