ئەنجوومەنی ژنانی رۆژبین لە باهنهۆفپلاتز بۆ ئازادیی عەبدوڵا ئۆجالان رێبەری گەلی کورد و بۆ ناساندنی رامان، فەلسەفە، تێز و پرۆژەکانی ئۆجالان بە گەلی سویسرا، ستاندی هۆشیارکردنەوەیان دانا.

کتێبەکانی عەبدوڵا ئۆجالان رێبەری گەلی کورد لەبارەی کۆنفیدراڵیزمی دیموکراتیک، نەتەوەی دیموکراتیک، شۆڕشی ژنان، شەڕ و ئاشتی و هەروەها پارادیگمای ئۆجالان بە زمانی ئەڵمانی لە کانتۆنی ئاراوی سویسرا بڵاوکرانەوە.

هەروەها لە چالاکیی ستاند دانانەکەدا داوای ئازادی بۆ ئۆجالان کرا و لە دژی هێرشە پاکتاوکاری و تاڵانکارییەکانی دەوڵەتی تورک بۆ سەر کوردستان، داواکرا پشتیوانی لە گەلی کورد بکرێت.

ژ.ت