یادەکە بە پێشەنگایەتیی کۆمیتەى بنەماڵەى شەهیدان رێکخرا.

ئەندامانی چاپەمەنیی پەژاک ئارمانج مەریوان (جەمال رەسوڵی)، وەدات ئامەد (محەمەد گیورەن)، رامان جاوید (رەحیم بوران)، هێرش مەهاباد (دیاکۆ بەختیاری)، ئارگەش باوەڕ (کاردۆ عەلیالی) و فرات چەلێ (بەهجەت تەکین ئاڵپ) لە ١ی ئایاری ٢٠٠٨ دا شەهید بوون و فەرماندەی هەپەگە هەورام ئاویەر (حەسەن مەحمودی) و رێبەر کوردستان (ئەیوب چام)، عەگید تمۆقی (قەهرەمان سونار) و رۆستەم فیراز (عیسمەت بلگیچ)، کە لە رۆژانی ٢٩-٣٠ی ئاداردا لە مێردین شەهید بوون، یادیان کرایەوە.

لە دوای خولەکێک رێزگرتن بۆ یادی شەهیدان، سینەفیزیۆنێک لەسەر ژیان و تێکۆشانی شەهیدان نمایشکرا.

سیاسەتمەدار سەنانیک ئۆنەن وتەیەکی پێشکەشکرد و باسی لە گرنگی و واتای مانگی ئایار لە ناو بزووتنەوەى ئازادیی کوردستاندا کرد، کە بە مانگی شەهیدان دەناسرێت.

سەنانیک رایگەیاند، هەر شەهیدێک داستانێک و ئەفسانەیەک بوو. راشیگەیاند، تەنها بە خاوەنداریکردن لە دۆز و رێگاکەیان دەتوانین ببینە وەڵامدەریان.

یادەکە بە وتنەوەى دروشمەکانی "شەهید نامرێ" و "بژی سەرۆک ئاپۆ" کۆتایی پێهات.

ژ.ت