پارێزەرانی نووسینگەی مافەکانی سەدە، ڕازییە ئۆزتۆرک، فایەق ئۆزگور ئەرۆل، ڕێزان ساریجا و عیمران ئەمەکچی بۆ ئەنجامدانی دیدار لەگەڵ موەکیلەکانیان سەردانی داواکاری گشتیی بورسا و بەڕێوبەرایەتیی زیندانی ئیمرالی-یان کرد.

پارێزەران هەفتەی دوو جار بۆ بینینی عەبدوڵا ئۆجالان سەردانی دەزگا پەیوەندیدارەکان دەکەن و داوای ئەنجامدانی دیدار دەکەن. داوای پارێزەران بۆ ئەنجامدانی دیدار بە شێوەیەکی سیستماتیک و پلان بۆ دانراو وەڵام نادرێنەوە.

٣١ی ئایار سەرۆکایەتی دەستەی دیسیپلینی ئیمڕالی ٣ مانگ سزای قەدەغەی چاوپێکەوتنی بەسەر عەبدوڵلا ئۆجالان ڕێبەری گەلی کورد و زیندانیانی دیکە سەپاندبوو. ٢٦ی حوزەیران ئەم دۆخە بە پارێزەران راگەیەنرا. پارێزەرانی نووسینگەی مافەکانی سەدەش ناڕەزاییان دەربڕیوە و وەک کردەوەیەکی نایاسایی لە قەڵەمیاندا.

ف.ق