رێکخستنی پارتی دیموکراتی گەلان (هەدەپە)ی کۆجائەلی لەبەردەم ناوەندی مافەکانی مرۆڤی ئیزمیت ویستی کۆنفڕانسێکی رۆژنامەوانی ئەنجام بدات و هێرشی پۆلیسی تورک لەدژی فەرهاد ئەنجوو هاوسەرۆکی هەدەپەی ئەستەنبوڵ شەرمەزار بکات. شەهابەدین ئیشیک و ئاینور سانتۆس هاوسەرۆکانی هەدەپەی کۆجائەلی و بەڕێوەبەری شار و ناوچەکە و ژمارەیەکی زۆر لە ئەندامانی هاوپەیمانی رەنج و ئازادیەکان بەشداریان کرد و لە باڵەخانەی هەدەپەی شارەکە هاتنە دەرەوە و بەرەوە و رێپێوانیان ئەنجامدا.

شەش کەس دەستگیرکران

جەماوەر لەژێر گەمارۆی پۆلیس رێپێوانی ئەنجامدا و لەلایەن پۆلیسەوە رێگریان لێکرا. جەماوەر نەگەیشتە ئەو شوێنەی کە بۆ کۆنفڕانسی رۆژنامەنووسی تەرخانکرابوو، پۆلیس هێرشی کرد. دوای هێرشی پۆلیس شەهابەدین ئیشیک و ئاینور سانتۆس هاوسەرۆکانی هەدەپەی کۆجائەلی، ئیدریس ئای هاوسەرۆکی هەدەپەی داریجای و چەند ئەنجامێکی هەدەپە بەناوەکانی عەلی ئاکبال، عەلادین ئارتوئەر و نەجاتی ئاڵتنتۆپراک، بە گشتی شەش کەس لەلایەن پۆلیسەوە دەستگیرکران.

نازانرێت دەستگیرکراوەکان بۆ کوێ براون.

ف.ق