ئیریک دوپۊند مۊرت شالیاروو داڎوو فەڕەنسای چەنی شاندێۋە گلێرگەو دیموکراتیکوو کوردی، جە فەڕەنسانە (جەدەکە فەڕەنسە/CDK-F) گلێر بیۊ .

ئیریک دیپۆند واتش: وەڵۍ گرڎ چێوێنە، پۍ بەروستەی پەشتیوانیی وێما پۍ گرڎوو گەلوو کوردی چەنی شمە گلێرێ بییەیمێ.

مۆرتی : فەڕەنسا خەمبارا.

مۊرتی ماچۊ : من ویر جە خێزانوو قەومەکاشا کەرووە، فەڕەنسا خەمبارا، ھۊرسەنگنای پاشێلکەردەی مافەکاو ئینسانی تەنیا ئینا

دەسەڵاتوو وەرپەرساو داڎینە.  بە پاو ئا توخم و بنەماېا کە ورڎبییەېۊشا پۍ کرېان ئەگەروو ئانەی ھەن ئا ئشناسایشا پۍ فاڕیۊ.

گەرەکما ھەمڎیسان ویرش بارووە، کە ئا سزۍ کە قەرارا دریا مڎریا.

مۊرتی دەسوەشییش جە ھاموەڵاتییا کوردی کەرد و واتش پشتیوانیۍ خاسشا جە گلێرگەو ڕێکوزیا کوردییەکا کەرڎەن .

نویسینگەو داواکاری گرڎینەو پاریسی دماو ھجوومەکەو (٢٣)ۍ مانگۍ ، کە ېەرۍ چالاکێش چنە شەھیڎۍ بیۍ جە چوارچێۋەو تاوانە

گلێرکوشییە نەژاڎپەرستییەکانە، پێسە ڕووەدایەکا داڎی  و  ورڎبییەیۆ جە ڕووەداکەی دەسش پنە کەردەن.

مێلینچۆن: ئینە ھجوومێوی تیرۊرستین.

کورد و نوێنەرا پارتی سیاسیی چەپی کارداېۊ تنڎشا وەرانوەروو ئا پێناسەکەردەیۆ داواکاری گرڎی بێش. ژان لوک مێلینچۆن ورچنیاو وەڵینوو سەرۊکایەتیی فەڕەنسای و سەرۊکوو پارتوو ئینسۆمیسی واتش؛ چێگە ھیچ ڕێککۊتەیە نیا و ئا ھجوومە ھجوومێۋە تیرۊرسین.

مێلینچۆن سەرنجەش وستە سەروو  گلێرکوشییەکەو (١٠) ساڵا چێوەڵتەری و واتش: ئینە کرڎەوێۋە تیرۊرسین و گەرەکمانە داواکاری گرڎینە و دەزگاو دژە تیرۊروو نەتەۋەېې ورد بیەېۊ دەس پنە کەرۊنە .

عەگید پۊڵات قسەکەروو گلێرگەو دیموکراتیکوو کوردی جە فەڕەنسانە (جەدەکە فەڕەنسا/CDK-F) واتش: نەکۆڵیایۆ جە ھجوومەکەی پێسە ھجوومێوە تیرۊرسی و ھەوڵدایشا پۍ قەناعەتپنەکەردەی ئێمە پۍ ئانەی کە ئې ھجوومە جە لاېەنوو کەسێوی ڕاسڕەویۊ کریان، مەبۊ ئینسان قبووڵش کەرۊ، ئانە ېاگۍ قبووڵکەردەی نیا.

ھ.ئ