مەراسیمەکە لە ناوەندی کەلتووریی جگەرخوێن بەڕێوەچوو. مەراسیمەکە بە خولەکێک ڕێزگرتن لە ئەرداڵ شاهین و ڕۆژهات زیلان و هەموو شەهیدانی تێکۆشانی ئازادیی کوردستان دەستی پێ کرد.  

پاشان سینڤزیۆنێک دەربارەی مێژووی تێکۆشانی ئەرداڵ شاهین و ڕۆژهات زیلان و چالاکییەکانیان پیشاندرا. سینڤزیۆنێکە بە درووشمی "شەهید نامرن"  و "بژی سەرۆک ئاپۆ" کۆتایی هات.

پەرلەمانتاری پێشووی هەدەپە و نوێنەری دەم پارتی لە ئەوروپا فەیسەڵ ساری یەڵدز و هاوسەرۆکی جەدەکە_فە شاهین پۆڵات قسەیان کرد.

فەیسەڵ ساری یەڵدز ئەرداڵ و ڕۆژهات و تەواوی شەهیدانی بیرهێنایەوە و تیشکی خستەسەر تێکۆشانی ٥٠ ساڵە، هەروەها لەسەر قەیرانە ئابوور و کۆمەڵایەتییەکانی تورکیا ڕاوەستەی کرد.

شاهین پۆڵات ڕایگەیاند هەڵمەتی "ئازادی بۆ ڕێبەر ئاپۆ، چارەسەری سیاسی بۆ پرسی کورد" ساڵێکی تێپەڕاند، تیشکی خستەسەر گرنگی "کۆنسێرتی ئازادی" کە ١٩ ی تشرینی یەکەم لە پاریس ئەنجام دەدرێت و بانگەوازی کرد بۆ بەشداربوون لە کۆنسێرتەکە.

مەراسیمەکە بە قسە و پەیامی پشتگیری کۆتایی هات.