بۆ سەرۆکی گشتی پێشووی کۆمەڵەی مافەکانی مرۆڤ (ئیهەدە) حوسنو ئۆندول کە لە ئەنجامی جەڵدەی دڵ گیانی لە دەستدا، لە ژووری بیناسازان مەراسیمی یادکردنەوەی بەڕێوەچوو.

بنەماڵەی ئۆندول، هاوسەرۆکی گشتی پارتی یەکسانی و دیموکراسی گەلان (دەم پارتی) تولای حاتمئۆغوللاری و پەرلەمانتارانی دەم پارتی، ئەندامانی دەستەی بەڕێوەبردنی ناوەندی، پەرلەمانتاری پارتی گەلی کۆماری (جەهەپە) سەزگین تانریکولو، هاوسەرۆکانی گشتیی کۆمەڵەی مافەکانی مرۆڤ (ئیهەدە) و نوێنەرانی ڕێکخراوەکانی کۆمەڵگەی دیموکراتیک و گەلێک لە پارێزەرانی مافی مرۆڤ بەشداربووی یادکردنەوەکە بوون.

تەرمی ئۆندول لە دوای مەڕاسیمی بیرهێنانەوە لە گۆڕستانی کارشیاکا بە خاک سپێردرا.