ئەمڕۆ ژمارەیەک لە ڕێکخراوە هونەرییە کوردییەکان لە ئەستەنبوڵ داوایان لە خەڵک کرد بچنە بەردەم کونسوڵخانەی فەرەنسا لە ناوچەی تەقسیم-ی ئەستەنبوڵ بۆ ناڕەزایەتی دەربڕین بەرامبەر کۆمەڵکوژی پاریس.

پۆلیس ڕێگریی لە چالاکییەکە کرد و موسا پیرۆغڵو، پەرلەمانتاری هەدەپە و هونەرمەندانیان گەمارۆدا، هەروەها پۆلیسی تورک بە زۆر ڕۆژنامەنووسانی لە ناوچەکە دوورخستەوە و ژمارەیەک زۆر چالاکوانیان دەستگیرکرد.

پیرئۆغلۆ: حکومەتەکانی فەڕەنسا و تورکیا هاوبەشی کۆمەڵکوژیەکەی

موسا پیرۆغڵو، پەرلەمانی هەدەپە ڕایگەیاند:”بۆ ئیدانەکردنی ئەم کۆمەڵکوژییە، ویستمان ئەمڕۆ لەبەردەم کونسوڵخانەی فەرەنسا لێدوانێک بدەین، هەروەک چۆن پۆلیسی فەرەنسا بکوژەکانیان ئازاد کرد و تەماشای کۆمەڵکوژییەکانیان دەکرد، پۆلیسی ئێرەش بە ڕێگریکردن لە چالاکییەکە درێژە بە کۆمەڵکوژییەکان دەدات، دەوڵەتانی هەموو جیهان هەمان شت دەکەن، بکوژەکان بە ئازادی لە شەقامەکاندا دەسووڕێنەوە و کۆمەڵکوژیی دەکەن، بەڵام ناڕەزایەتی دەربڕین بەرامبەر کۆمەڵکوژی قەدەغەیە”.

ف.ق